Shoddo 47 - Kafa Linguistics Project

Showoo Bullichi Taatoo Doono Yeeri Tuno

Shoddechinaꞌochi ukkiroyich, Qoraahi bushiisheenaꞌochi shoddo

¹ Macceenaꞌote, ittoshi bulli kishoon koppebote; qaaroon oogichiꞌi shoddoona Yeerich ililibote.

² Ebiyoo showoo bulli toommooch oogoo tuneti Taatoo, Beshe Nuggishoo Doono Yeeri shatteeto bi tunetoyichiye.

³ Biyoo, macceenaꞌo nooch hajjeyemmoyich tuniihe; aageteenaꞌonoo no baatee dechiich hajjiihe.

⁴ Bi shunniibeeti Yaaqobi yebeneebeeti, no iristoon nooch kaacciye.

⁵ Yeeri ililoona, Doono Yeeri shametee qaaroona, damba kechiye.

⁶ Shoddebote; Yeerich shoddebote; shoddebote; no Taatoyich shoddebote.

⁷ Yeeri showoo bulliich Taatoo bi tunetoyich, shoddoona biin galletebote.

⁸ Yeeri aageteenaꞌo toommooch taatehe; yaafe bi taatee qeenooch kotehe.

⁹ Abrahami Nuggishoochi asheenaꞌochoommon, maccee iraasheenaꞌo kiceeheete. Ebiyoo showee iraasheenaꞌo Yeerichinaꞌo boonoshi tunetoyichiye; bi oogeti oogechone.