Shoddo 45 - Kafa Linguistics Project

Taatee Gaaroochaa Shoddeeti Shoddo

Shoddechinaꞌochi ukkiroyich, Qoraahi bushiisheenaꞌochi shoddo; shunee shoddo

¹ Ta mullo gaawe mooyon kichiye; ta shoddoon taatoyich waayiyemmo taane; ta heciyoo aricheti koorechochi feennoommone.

² Ne, ashoyee beshe malletecho neene; ne noonoochee shaawi yibbaatoo kechiye; ebich Yeeri bulli yemeenoon neen diiritone.

³ Ginee anaamocho, ne oogoonaa oogee yiiroona, ne goraadoon ne shimetooch cuyebe.

⁴ Iberoyich, qellee giishiyoonaa cadiqoonoyich, ne oogee yiiroon taheree wudoon danoyich qaxiribe; ne qanne mochoo worganikkiti mooyon tuniibe.

⁵ Ne shangeenaꞌo acinaꞌone; taatoochi etteenaꞌo mulloon kochemminaꞌone; macceenaꞌo ne baatooch dihemminaꞌone.

⁶ Nuggishoo Yeero, ne taatee qeeno bulli yemeeneechone; ne taatittinee gumbo dayinnetee gumboone.

⁷ Cadiqoon shunnehine; gonde mooyon shixxehine; ebich ne Nuggishoo Yeeri ne nuucheenaꞌoyee ne beshemmoyich, neen oogiiꞌi emiree zayitoona huuttiye.

⁸ Ne taho bulliich, hareboo, ereetoonaa birguudoona cinnee beetone; dangeyi gashoona macecikkeeti ne taatee kexoochaa shoddee qiiceenaꞌo ne emiremmoyich tuniiheete.

⁹ Ne taatee kexooch beeti genneenaꞌo daggooch, taateenaꞌochi bushiisheenaꞌo beetinaꞌone; ne woꞌeyoo, Ofiiree aachoona shashaꞌa ne qanne badd neexetine.

¹⁰ Ta busheene; ne waamon gaꞌiiree gaawichi ellebe; ne asheenaꞌonaa ne nihoo kexonon battebe.

¹¹ Taatoo ne malletoon shunnitone; ne doono bi tunetoyich biin oogiibe.

¹² Xiroosee asheenaꞌo wojjoon neech deebemminaꞌone; gaannechinaꞌoo gaawe aafoona boonoshin ne ciinnemmoyich qaawemminaꞌone.

¹³ Taatoochi bushee bi gatoochaa shashetine; bi tahoo aachoona wacwaccitone.

¹⁴ Shashechi bi tahoona taatoo waan woyemmine; gidiide bi nuucheenaꞌoo biin deennemminaꞌone.

¹⁵ Emiri wucwucibee daammemminaꞌone; taatoo kexooch giijjemminaꞌone.

¹⁶ Ne bushiisheenaꞌo ne qaabbechinaꞌochi xaaꞌooch kereyemminaꞌone; newoo boonoshin showoo bulliich iraashiyemmo neene.

¹⁷ Ne shigo shiijjeroo bulliich bi shalligeyemmoyich tuniyemmo taane; ebina macceenaꞌo bulli yemeenoon neen galletemminaꞌone.