Shoddo 43 - Kafa Linguistics Project

¹ Yeero, taach nallibe; Yeerich qeyaani asheenaꞌona ta taggoon taggebe; dachechinaꞌonaa gonde asheenaꞌona waanee taan wodiibe.

² Ne shoobooch ta giyaabeeti Nuggishoo neene; taan ne duppaabeeto amoyichiye? Ta etteenaꞌo taan xuuxiyee naboona ayinibee ta shaꞌe beeyemmo amoyichiye?

³ Ne bekkoonaa ne iberoonon deejjibe; boonoshiyoo taan yaabibeete; ne beemi xaaꞌoo tuneti, ne yaafe geppooch taan daambeete.

⁴ Aroochee Yeerichi deejjee gudooch, taan oogichiꞌi emirikkiti Yeer waan, hammemmo taane. Yeeri ta Nuggishoocho, ooge ximboona neen galletemmo taane.

⁵ Ta kasheene, ne ayiniibeeto amoyichiye? Ta maacaa ne xuuxaabeeto amoyichiye? Yeerin gibenebe; taan Wodiyechonaa ta Nuggishoonon wochinnoon galletemmo taane.