Shoddo 30 - Kafa Linguistics Project

Galletee Corooto

Yaafee kechi diireyooba Daawitichi shoddo

¹ Doono Yeero, taan ne tiijjitoyich, ta etteenaꞌo emiremmoyich tuniyoo ne qajjetoyich, neen oogichaa galletehoye.

² Ta Nuggishoo Doono Yeero, taan ne gaachemmoyich ne waan cookiyoye; newoo taan wodiihine.

³ Doono Yeero, ta kasheen shiweroochee kichihine; maash ta kindaachemmoyich taan wodiihine.

⁴ Yaafeenaꞌote, Doono Yeerich galletee shoddoon shoddebote. Yaafe bi shigoonoo galletebote.

⁵ Bi kaareebeeto giisheche aabooniye; tunebaani bi ariqqo kashee yemeeneechone; xum eefo waataa, maadda emiroo tunemmone.

⁶ Mooyo taach bi mashaamiyooba “Ciroona shuuraachemmo taane” iyoye.

⁷ Doono Yeero, gaawe aafoona taan ne ciiniyooba, manje guudochoommon taan kupphiihine; tunebaani ne aafoon badd ne wochimmona keqqiyoye.

⁸ Doono Yeero, ne waan cookiyoye; Doono Yeeri neen ishichaꞌa qollehoye:

⁹ “Ta qitoo, maash ta hamo, neech amoon gaaccehe? Butto neen galletehe? Gibeneeto ne tunoon gettehe?

¹⁰ Doono Yeero, ta qolloon waayebe; taachoo ariqqebe. Doono Yeero, taach gaachoon tunebe” iyoye.

¹¹ Ne, ta eefon emiree duuttoona shaddihine; ta dookoon shoottaꞌa emiroon taach tajjihine.

¹² Ta kashe cikkaanoon neen bi galletaabeeto ebichiye; ta Nuggishoo Doono Yeero, bulli yemeenoon galletoon neech giddiyemmo taane.