Shoddo 29 - Kafa Linguistics Project

Doono Yeerichi Qaaro Giidecho Tuno

Daawitichi shoddo

¹ Shimaajji halleenaꞌote, Doono Yeerin galletebote; bi oogoonaa giidoonoyich Doono Yeerin galletebote.

² Bi shigoyich bede oogoon Doono Yeerich deebote; bi yaafittino koojjii aaxxeebeeti Doono Yeerich goyinnebote.

³ Doono Yeerichi qaaro baharee toommoochaa waayeehe; oogechi Nuggishoo gigehe; Doono Yeeri ooge baharee toommoochaa gigehe.

⁴ Doono Yeerichi qaaro giidechone; Doono Yeerichi qaaro oogee yiirechone.

⁵ Doono Yeerichi qaaro yigee mixon tiichiye; Doono Yeeri Libanoosi yigoon buricciye.

⁶ Libanoosin maamochoommon, Siriyooninoo gaahee bushoochoommon, caphiyemmone.

⁷ Doono Yeerichi qaaro qaaqqee aaxxoommon aaxxehe.

⁸ Doono Yeerichi qaaro barahoon qewiihe; Doono Yeerichi qaaro Qadeeshi barahoon qewiihe;

⁹ Doono Yeerichi qaaro meelloon shuurikkiye; shaaroon shokko echiihe; bi yaafee kexoochaa bulliyona “Yeer oogebe” gettemmone.

¹⁰ Doono Yeeri ceeni aachi toommooch taatetone; Doono Yeeri bulli yemeenoon bi taatee qeenooch kotetone.

¹¹ Doono Yeeri bi asheenaꞌoyich hakkoon immemmone; Doono Yeeri bi asheenaꞌon diggoona diiremmone.