Shoddo 28 - Kafa Linguistics Project

Gaachee Danoyich Corooteeti Corooto

Daawitichi shoddo

¹ Doono Yeero, ne waan cookiyoye; ta Deebe Xaqqoocho, ta cookoon waayebe; cikkii ne qayigaata, maash hammii beetinaꞌoommon tunemmo taane.

² Taan ne gaachemmoyich, ne yaafee kexo waan ta kishoon tiijjaꞌa, ne waan ta cookaabeeti cookoon waayebe.

³ Gonde asheenaꞌona tookki, gondoon shuunee beetinaꞌona tookki, taan geechi daammaahine. Eboshi, boonoshi mullooch maroo beetaa, boonoshi giyeenaꞌona tookkii diggoona yibbaatee beetinaꞌone.

⁴ Boonoshi shuunoommon, boonoshi tuniiti gondoommon, boonoshich qoce; boonoshi kishee shuunoommon boonoshich imbe; kaalloon boonoshi toommooch wochibe.

⁵ Bi shuunoon woyee bi kishee shuunoon aaxxiyaaneenaꞌo boonoshi tunetoyich, Doono Yeeri boonoshin happishalli bi gettemmo, hagaachemmone.

⁶ Ta qollee qaaroon bi waayetoyich, Doono Yeeri galleteebe!

⁷ Doono Yeeri ta hakkoonaa ta gaachoonane; ta mullo biin gibenehe; biinna gaacheehoye; ta mullo emiriye; shoddoona biin galletehoye.

⁸ Doono Yeeri bi asheenaꞌochi giidoone; bi huuttitonoo shoobbii wodiyechone.

⁹ Ne asheenaꞌon wodiibe; ne iristeenaꞌon diiribe; boonoshich qiddoon tunebe; bulli yemeenoon boonoshin shiimebe.