Shoddo 26 - Kafa Linguistics Project

Deꞌe Ashi Corooto

Daawitichi shoddo

¹ Doono Yeero, ta shaaddo kaamoo bi tunetoyich, taach nallibe. Okk hach getaanoon Doono Yeeri neen gibeneto taane.

² Doono Yeero, taan phirebe; haattishoo gete; ta mulloonaa ta gaboonon phire beege.

³ Ebiyoo ne shoodo ta aafooch bi tunetoyichiye; neen gibenoona shaaddehoye.

⁴ Koote asheenaꞌona tookkaa koteyaano taane; marechinaꞌona tookkaanoo guuphaano taane.

⁵ Gonde shuunechinaꞌochi iitoon shixxehoye; gondeenaꞌona tookki koteyaachemmo taane.

⁶ Doono Yeero, ta xallittinoon bekkiyoyich, ta kishoon machemmo taane. Ne deejjee gudoonoo guudibee,

⁷ galletee shoddoon shoddoona, worganikkiti ne shuunoo bullin gettemmo taane.

⁸ Doono Yeero, ne beeti kexon, ne oogo beeyi xaaꞌoon shunnoye.

⁹ Taan axaaxechinaꞌona tookki, ta kasheenoo damee ukkechinaꞌona tookki, aalliyaahine.

¹⁰ Boonoshi kishooch gonde shuunoo beetone; boonoshi qanne kishoochoo xucco ceennitone.

¹¹ Tunebaani ta, xallittinoona shaaddeto taane; taan biishebe; taachoo ariqqebe.

¹² Ta baatoo tate xaaꞌooch neexetone; ooge iitee daggoochaa Doono Yeerin galletemmo taane.