Shoddo 24 - Kafa Linguistics Project

Doono Yeeri Ooge Taatoo Tuno

Daawitichi shoddo

¹ Showoonaa arooch ceennito bullina Doono Yeerichone; showoonaa showee toommeexi asho bullina biichone.

² Showoon baharee toommooch heccito aachi toommoochoo manjiito biine.

³ Doono Yeerichi geppooch keyon hakkemmo konine? Yaafee bi xaaꞌooch neexoon hakkemmo konine?

⁴ Bi kishoo, bi mulloo xalloo tuneto, shahalloyich goyinneyaanoonaa kootoon wogeyaanoonane.

⁵ Aroo Doono Yeer waanee diiroon, Wodiyechi bi Nuggishoo waanee dayinnetoon, danemmone.

⁶ Biin qaawiibeeti shiijjeroo, Yaaqobichi Nuggishoon qaawiibeeto, ebiyoommone.

⁷ Kelleenaꞌote, ittoshi qelloon kaama tiijjibote; wonnee kelleenaꞌote, ittoshi qecheetaa oogechi Taatoo gibe.

⁸ Ebi oogechi Taatoo konine? Aroo giidechi, hakkechi Doono Yeerine; aroo koyoochaa hakkechi Doono Yeerine.

⁹ Kelleenaꞌote, ittoshi qelloon kaama tiijjibote; wonnee kelleenaꞌote, ittoshi qecheetaa oogechi Taatoo gibe.

¹⁰ Ebi oogechi Taatoo konine? Beshe Mawe Doono Yeerine; aroo oogechi Taatoone.