Shoddo 23 - Kafa Linguistics Project

Yeeri Gaawe Qiddoo Tuno

Daawitichi shoddo

¹ Doono Yeeri ta qiddoone; amoonolla mucceyaachemmo taane.

² Mocechi gaddooch ta kashemmoyich tuniyemmone; dardallii koteti aaco waan taan yaabemmone.

³ Ta kashoon andiriihe; bi shigoyicha iꞌi cadiqee gommona taan yaabiye.

⁴ Qitoo yiireti bamboona ta hami gaatoona, ne taanna tookkaa ne tunetoyich, gonde mooyoyich shataache; ne gumboonaa ne tugoona taan goggii beetone.

⁵ Ta etteenaꞌo aafoochaa taach madoon qanniihine; ta qellooch zayitoon huuttehine; ta xoofoo ceennii aphirehe.

⁶ Ta kashee yemeeno bulliich, ne deꞌittinoonaa shoodoona taanna tookki tunemmone. Doono Yeerichi kexooch bulli yemeenoon beeyemmo taane.