Shoddo 20 - Kafa Linguistics Project

Wudoon Danoyich Corooteeti Corooto

Shoddechinaꞌochi ukkiroyich, Daawitichi shoddo

¹ Ne xuuxee aabooba Doono Yeeri ne qolloon waayebe; Yaaqobichi Nuggishoo shigo neen quyebe.

² Bi yaafee kexoochee gaachoon neech deejjibe; Tsiyooni guudoochaanoo neen dege.

³ Ne buuro bullinoo shalligibe; ne deejjoonoo gaawe aafoona ciine.

⁴ Ne mullee qaatoon neech imbe; ne gaboo bullin neech ceechibe.

⁵ Wudee ne danoona ililemmo noone; no Nuggishoo shigoona no baanderoon hashakkaayiyone; Doono Yeeri ne qollo bullin neech ceechibe.

⁶ Doono Yeeri bi huuttiton wodiyemmo bi tunoon and ariitoye; ooge wudechi bi qanne kishoona yaafeeti bi shimaayoochaa biich wochemmone.

⁷ Ikkikke asheenaꞌo boonoshi gaarinaꞌona, bareenaꞌo boonoshi haresheenaꞌona, yebeneheete; tunebaani no, no Nuggishoo Doono Yeerichi shigoona yebenehone.

⁸ Eboshi tepheeree dihemminaꞌone; tunebaani no tiyiree, manji neexemmo noone.

⁹ Doono Yeero, taatoon wodiibe; ne waan no cookiyooba waayebe.