Shoddo 150 - Kafa Linguistics Project

Yeerin Galleto

¹ Haleluya! Yeerin bi yaafee kexoochaa galletebote; bi giidoona bi beeti shimaayoochaa galletebote.

² Giidechi bi shuunoyich biin galletebote; bi oogee woddoommona biin galletebote.

³ Shametee qaaroona biin galletebote; ooge ximboonaa masinqoona biin galletebote.

⁴ Kamboona, duuttoonoo biin galletebote; maqqechi shoddee qiicoona, tiroonoo biin galletebote.

⁵ Qaaxilloona biin galletebote; shaalliibeeti qaaxilloona galletebote.

⁶ Kashechi halloo bulli Doono Yeerin galletebe. Haleluya!