Shoddo 15 - Kafa Linguistics Project

Ashi Waanee Yeeri Qaawiibeeti Mooyo

Daawitichi shoddo

¹ Doono Yeero, ne duukkaanooch kotoon hakkemmo konine? Yaafeeti ne geppooch beemon hakkemmo konine?

² Bi shaaddo kaamoo, tate mooyon tuniibeeto, bi mulloochee iberoon yibbaateebeeto,

³ ashoon oonaano, biinoommi bi manoo toommooch gondoon shuuneyaano, bi giyoochi shigoon gondiyaano,

⁴ Doono Yeeri hoxetinaꞌon qallayiibeeto, tunebaani Doono Yeerin shattii beetinaꞌon oogiibeeto, bi wogeti mooyo bi toommooch iritoon deebemmo bi tunetaanoona, wogeechii shaddaano,

⁵ bi gijjoon koyitiyaano, xalle asheenaꞌon gondiyoyich xuccoon maataano. Ebi mooyinaꞌon tuniibeeto, ciroona keqqaanoon beeyemmone.