Shoddo 149 - Kafa Linguistics Project

Galletee Shoddo

¹ Haleluya! Andire shoddoon Doono Yeerich shoddebote; biich gibeneetinaꞌo kiceetoochaa biin galletebote.

² Israꞌeeleenaꞌo boonoshin Hallitona emiribeete; Tsiyooni asheenaꞌo boonoshi Taatoona wucwuceete.

³ Duuttoona bi shigoon galletebeete; kamboonaa ooge ximboona biin galletebeete.

⁴ Ebiyoo Doono Yeeri bi asheenaꞌona bi emiritoyich, qelloon giishii beetinaꞌoyich wudoon imona oogiibeeto bi tunetoyichiye.

⁵ Yeer asheenaꞌo ebi wudee danoona emiribeete; boonoshi qeenoochaa ililibeete.

⁶ Gutte baddaa aci goraadoon boonoshi kishooch yeshiree, ooge qaaroona Yeerin galletebeete.

⁷ Ebina aageteenaꞌo toommooch nichoo kichemminaꞌone; macceenaꞌonoo sheeremminaꞌone.

⁸ Boonoshi taateenaꞌon sansalatoona, boonoshi iraasheenaꞌon baatee qoqqaannoona cuyona,

⁹ boonoshi toommooch kooreeti nalloon ceechemminaꞌone. Ebina Yeer asheenaꞌo oogoon danemminaꞌone. Haleluya!