Shoddo 146 - Kafa Linguistics Project

Taatoo Doono Yeerin Galleto

¹ Haleluya! Ta kasheene, Doono Yeerin galletebe.

² Ta kashee yemeeno bulliich, Doono Yeerin galletemmo taane; kashoona ta beemmi yemeeno bullin, ta Nuggishoyich shoddemmo taane.

³ Wodiyoon hakkaani iraashoon, meeno taheti ashoon, gibeneyaahote.

⁴ Bi kashe keyiyooba showa wottemmone; ebiyooba bi gaboo bulli duubemmone.

⁵ Yaaqobichi Nuggishoon bi gaachoo, bi Nuggishoo Doono Yeerinoo bi gibeno, tuniito diireetone.

⁶ Showoon, shimaayoonaa baharoonon, arooch beeto bullinoo hallito, bulli yemeenoon bi qaaroon quyeebeeto, biine.

⁷ Xukketinaꞌoyich nalliibeeto, shaacetinaꞌoyichoo maayoon immiibeeto, biine. Doono Yeeri qoppeenaꞌon biichiye.

⁸ Doono Yeeri aaf doogoochi aafoon qechiye; Doono Yeeri goobetinaꞌon kaachiye; Doono Yeeri cadiqeenaꞌon shunniye.

⁹ Doono Yeeri shiqqeenaꞌon quyehe; xuumeenaꞌonaa nihaalleenaꞌonon gaachehe; tunebaani gondeenaꞌon gommo mucciihe.

¹⁰ Doono Yeeri bulli yemeenoon taatemmone; Tsiyoone, ne Nuggishoo shiijjeroo bulliich taatemmone. Haleluya!