Shoddo 142 - Kafa Linguistics ProjectYeerina Gaacheyoyich Corooteeti Corooto Xaqqee gofooch bi beehooba Daawitichi shoddoonaa corootoona 1 Ta qaaroon oogichaa Doono Yeer waan cookihoye; ta qaaroon kichaa biin qollehoye. 2 Ta taggoon bi aafooch yaaqqehoye; ta xuuxoon biich gettehoye. 3 Ta mullo qitiyooba, ta tuniyemmon ne ariihine; ta hammaabeeti gommooch ta etteenaꞌo taach shaachoon shaachiyeete. 4 Ta qanne badd ciinneho; tunebaani taan gaachemmo aallehe; taach deebo tunemmo ikkolla aalle; taach aaxxiyemmi asho aalle. 5 Doono Yeero, ne waan cookiyoye; “Ne, ta deebo neene; kashechinaꞌo beeti hini showoochaa ta qoodee iristo neene” iyoye. 6 Oogeton ta mullo bi qititoyich, ta cookoon waayebe; tayee beshii boonoshi sharitoyich ta etteenaꞌo kishoochee taan wodiibe. 7 Neen ta galletemmoyich cuyoochee taan kichibe; taach ne tuniiti gaawe mooyona, cadiqe asheenaꞌo ta guudoona kiceyemminaꞌone. |
SIM International, 2020.