Shoddo 137 - Kafa Linguistics Project

Kecoochaa Israꞌeeleenaꞌo Eefo

¹ Baablooni aacinaꞌochi gaꞌooch kotehone; Tsiyoonin gabaachaa eeppehone.

² Aroochaa aachi gaꞌeexi mixooch ooge no ximbeenaꞌon kaqqehone.

³ Noon keccitinaꞌo aroochaa, shoddoon no shoddemmoyich qaawiyeete; noon xuuxii beetinaꞌoo “Tsiyoon shoddoochee nooch shoddebote” iyeete.

⁴ Doono Yeerichi shoddoon ashi showoochaa aabichiree shoddehone?

⁵ Yerusaaleme, neen ta battegaata ta qanne kishoo wogibe.

⁶ Yerusaalemin gaboo ta qayigaata, neen ooge ta emiroo tuniyoo ta qayigaata, ta heciyoo haribe.

⁷ Doono Yeero, Yerusaalemi yechehooba, Edoomee asheenaꞌo “Happibote, happibote!” boonoshi iton batteyaahine!

⁸ Baabloonee asheenaꞌote, no toommooch ittoshi tuniitoommon, ittoshi toommooch tuniibeeto diireetone.

⁹ Ittoshi gaggereenaꞌon tiijji xaqqooch ceqqemmo diireetone.