Shoddo 136 - Kafa Linguistics Project

Yeerichi Shoodo

¹ Deꞌo bi tunetoyich, Doono Yeerin galletebote; bulli yemeenoon shoodechone.

² Nuggisheenaꞌochi Nuggishoon galletebote; bulli yemeenoon shoodechone.

³ Dooninaꞌochi Doonon galletebote; bulli yemeenoon shoodechone.

⁴ Bi ikkeeto baach oogeti gaakkechi shuunoon shuunee beeton galletebote; bulli yemeenoon shoodechone.

⁵ Shimaayeenaꞌon bi ariyoona shuuneto, bulli yemeenoon shoodechone.

⁶ Showoon aachi toommooch yaggito, bulli yemeenoon shoodechone.

⁷ Ogooge bekkeenaꞌon hallito, bulli yemeenoon shoodechone.

⁸ Aabo areddoon bi aaxxemmoyich tuniito, bulli yemeenoon shoodechone.

⁹ Agenoonaa xojjenoona xumoon aaxxemmoyich tuniito, bulli yemeenoon shoodechone.

¹⁰ Gibitsee showeexi gutenee bushiishoon wuxito, bulli yemeenoon shoodechone.

¹¹ Israꞌeeleenaꞌon boonoshi daggoochee kichito, bulli yemeenoon shoodechone.

¹² Kupphe bi kishoonaa giidechi bi mochoona ebin tuniito, bulli yemeenoon shoodechone.

¹³ Ceelle baharoon gutta qoodito, bulli yemeenoon shoodechone.

¹⁴ Israꞌeeleenaꞌo bi daggoona beshemmoyich tuniito, bulli yemeenoon shoodechone.

¹⁵ Farooninaa bi ginee naayinaꞌonon baharo qooxxemmoyich tuniito, bulli yemeenoon shoodechone.

¹⁶ Bi asheenaꞌon barahoona yaabito, bulli yemeenoon shoodechone.

¹⁷ Ogooge taateenaꞌon wuxito, bulli yemeenoon shoodechone.

¹⁸ Aricheti taateenaꞌon wuxito, bulli yemeenoon shoodechone.

¹⁹ Amooree taatoo Sihoonin wuxito, bulli yemeenoon shoodechone.

²⁰ Bashaanee taatoo Oogin wuxito, bulli yemeenoon shoodechone.

²¹ Boonoshi showoon bi asheenaꞌoyich hajjoo tuniiꞌi immito, bulli yemeenoon shoodechone.

²² Bi guuno Israꞌeelich hajjoo tuniiꞌi immito, bulli yemeenoon shoodechone.

²³ No coonehooba noon gabito, bulli yemeenoon shoodechone.

²⁴ No etteenaꞌo kishoochee noon wodiito, bulli yemeenoon shoodechone.

²⁵ Meeno taheto bullich maayoon immiibeeto, bulli yemeenoon shoodechone.

²⁶ Shimaajji Nuggishoyich galletoon giddiibote; bulli yemeenoon shoodechone.