Shoddo 133 - Kafa Linguistics Project

Maneenaꞌo Ikkittinoona Beemo

Deshee damba kecheebee shoddeebeeti Daawitichi shoddo

¹ Maneenaꞌo ikkittinoona beemo, am shaahoon gaawetonaa emirikkitonane.

² Shimboochee ishaanooch beddaahaa toolliibeeti, Harooni ishaanoochee bi tahee qettee xappooch toolliibeeti, cinnechi zayitoommone.

³ Hermooni guudi toommooch kindiibeeti doshoo (caagibano), Tsiyooni guudi toommooch kindoommone. Ebiyoo Doono Yeeri bi diiroon, kashoonoo bulli yemeenoon arooch bi tuniitoyichiye.