Shoddo 132 - Kafa Linguistics Project

Yaafee Kexon Ciinnii Beetona Giddeti Galleto

Deshee damba kecheebee shoddeebeeti shoddo

¹ Doono Yeero, Daawitin, iritoo bullin bi haaꞌiyonoo gabibe.

² Doono Yeeri neech bi wogoon, Yaaqobi goyinneebeeti Giidechi Nuggishoo neech ishichiꞌi bi mookkoon, gabibe:

^3-5 “Doono Yeerich xaaꞌoon ta qanniimmi wottoon, Yaaqobi goyinneebeeti Giidechi Nuggishoyich kexon ta haggemmi wottoon ta kexooch giyaache; ta qeenoochoo keyaache; gaꞌe kasheyaache, woyee tokketeyaache” itone.

⁶ Efiraata beechaa wogee taabootoochon waayehone; Qiriyaat Yeꞌariimee danehone.

⁷ Nowoo “Ittoshi waataa bi beeyi xaaꞌooch hambone; bi aafooch goyinnebone” iyone.

⁸ Doono Yeero, tibe! Ne giidee malletoo tuneti ne taabootoona tookki ne kashee xaaꞌooch gibe.

⁹ Ne qeesheenaꞌo cadiqoon tahebeete; yaafeeti ne asheenaꞌo ililibeete.

¹⁰ Ne guuno Daawiticha getiree ne huutteton duppaahine.

¹¹ Doono Yeeri shaddeyaani ibere wogoon Daawitich ishichiꞌi wogehe: “Ne hajjee bushoon ne taatee qeenooch kotiyemmo taane.

¹² Ne bushiisheenaꞌo ta wogoonaa boonoshich ta immemmi qociyoonon boonoshi quyegaata, boonoshi bushiisheenaꞌo neyee gubb, bulli yemeenoon ne taatee qeenooch kotemminaꞌone” iye.

¹³ Ebiyoo Doono Yeeri Tsiyoonin bi kaaccitoyich, bi beeyi xaaꞌoo bi tunemmoyich bi shunnitoyichiye.

¹⁴ Biyoo “Hini bulli yemeenoon ta beemi xaaꞌoone; hinin ta shunnetoyich hiniich beeyemmo taane.

¹⁵ Beshaa beshe mooyona biin diiremmo taane; girechi bi asheenaꞌonoo kosho michiyemmo taane.

¹⁶ Bi qeesheenaꞌoyichoo wodoon tajjemmo taane; yaafeeti bi asheenaꞌoo ililemminaꞌone.

¹⁷ “Daawitichi shiijjeroon ooge taatoo tuniyemmo taane; ta huuttetoyich ceechoon qanniyemmo taane.

¹⁸ Bi etteenaꞌoyich yeelloon tajjemmo taane; tunebaani bi uketi gubbichoo waccemmone” iye.