Shoddo 130 - Kafa Linguistics Project

Yeerichi Gaachoon Danoyich Corooteeti Corooto

Deshee damba kecheebee shoddeebeeti shoddo

¹ Doono Yeero, oogeton duꞌaa ne waan cookiyoye.

² Ta Doonocho, ta cookoon waayebe; gaachee danoyich ta cookaabeeti cookoon waayebe.

³ Doono Yeero, axaaxoon ne yichimmo gaata, ta Doonocho, koni hakki neexeshone?

⁴ Tunebaani ne waan maaroo beetone; ebich oogoon neech immehone.

⁵ Doono Yeerin sharaatoona quyehoye; bi qaaroonoo gibenehoye.

⁶ Showee haroon quyeebeeti kellechinaꞌoyee beshoon, ta kashe Doonon sharaatoona quyehane.

⁷ Bi shoodo bulli aabeecho tunetoyich, beshiti wodiyoo bi waan beetoyich, Israꞌeelo, Doono Yeerin gibenebe.

⁸ Doono Yeeri Israꞌeeleenaꞌon boonoshi axaaxoo bulliichee biishemmone.