Shoddo 13 - Kafa Linguistics Project

Gaachee Danoyich Corooteeti Corooto

Shoddechinaꞌochi ukkiroyich, Daawitichi shoddo

¹ Doono Yeero, ciroona taan ne batte beeyemmo, aati wottooniye? Ne aafoon ta waanee bara ne wochi beeyemmo, aati wottooniye?

² Ta kashe duꞌe beeyemmo, heeyo bullin ta mullo ayini beeyemmo, aati wottooniye? Ta etto ta toommooch bi shari beeyemmo, aati wottooniye?

³ Ta Nuggishoo Doono Yeero, waayeree taach wochibe; qitee tokketoon ta tokketeyaachemmoyich ta aafoon biriibe.

⁴ Ta etto “Biin kochaa wochite” bi gettemmoyich, ta dihoona ta shixechinaꞌo emiremmoyich, tuniyaahine.

⁵ Tunebaani ta, ne shoodoon gibenehoye; ta mullo ne wodiyoona emiriye.

⁶ Taach deꞌo bi tunetoyich, Doono Yeerich shoddemmo taane.