Shoddo 129 - Kafa Linguistics Project

Yeerichi Shiwoyich Corooteeti Corooto

Deshee damba kecheebee shoddeebeeti shoddo

¹ Ta bushittinoochee tiijjii taan xuqqitinaꞌone; Israꞌeeleenaꞌo ishichibeete:

² “Iberoochaa ta bushittinoochee tiijjii taan xuqqitinaꞌone; tunebaani ta toommooch wudoo daneyaaneenaꞌone.

³ Ta gubboon yexxii mayiiꞌi, gocheti budon shaahiiheete.

⁴ Doono Yeeri cadiqoone; gondeenaꞌochi qoqqaannoon kuxxitone” geteete.

⁵ Tsiyoonin shixxiibeeto bulli yeellebe; gubboo wottebe.

⁶ Dicaan beechii shoolliibeeti, kechi toommeexi mocoon shaahibeete.

⁷ Qeccii beetoyich tuucci bedaani, qiree beetoyichoo kishooch ceenaani maayoon tunebeete.

⁸ Aroona beshee beetinaꞌo “Doono Yeeri diiroo ittoshi toommooch tunebe; Doono Yeeri shigoona ittoshin diiriyone” gettaayeete.