Shoddo 128 - Kafa Linguistics Project

Yeerin Shattii Beetinaꞌochi Diireyoo

Deshee damba kecheebee shoddeebeeti shoddo

¹ Doono Yeerin shattii beetinaꞌo, bi gommonoo hammii beetinaꞌo diireetinaꞌone.

² Ne aayon maayemmo neene; emiremmo neene; neechoo kaamemmone.

³ Ne kechi daggoochaa, ne mechee aafeebeeti woyinoommon tunemmine; ne bushiisheenaꞌoo ne madee guudoona zayitee michi colloommon tunemminaꞌone.

⁴ Doono Yeerin shattiibeeti asho ebiyoommon diireyemmone.

⁵ Doono Yeeri Tsiyoonaa neen diiribe; Yerusaalemichi gaannoon ne kashee yemeeno bullin ne beeggemmon tuniibe.

⁶ Ne bushaa bushoon ne beeggemmon tuniibe. Israꞌeelich diggoo tunebe.