Shoddo 127 - Kafa Linguistics Project

Yeerin Bi Deꞌittinoyich Galleto

Deshee damba kecheebee shoddeebeeti Solomoonichi shoddo

¹ Doono Yeeri kexon hago qayigaata, haggechinaꞌo aayo duuboone; Doono Yeeri katemoon quyo qayigaata, quyechinaꞌo tokketaalli aafoon haroo gaacaalloone.

² Maaddii timonaa yagiꞌi tokketoona manjeyemmi koshoyich aayo gaacaalloone; Doono Yeeri bi shunnii beetinaꞌoyich, tokketooch boonoshi beetaa qanniihe.

³ Bushiisheenaꞌo Doono Yeerichi wojjeenaꞌone; indee maacoochee daneebeeti ibere diireenaꞌone.

⁴ Gurimaashittinoona shiijjeebeeti bushiisheenaꞌo, ginee anaamo kishooch beeti shangoomminaꞌone.

⁵ Meeti bushiishechi asho diireetone; bi etteenaꞌona tookkii addibaaboochaa bi gajjiteehooba yeelleyaache.