Shoddo 126 - Kafa Linguistics Project

Kecoochee Wotteechi Galleto

Deshee damba kecheebee shoddeebeeti shoddo

¹ Doono Yeeri, kecoochee Yerusaalem noon wochii bi deebiyooba gumonalli iberoon nooch shaahaanoone.

² No noonoo miicona, no heciyoo ililoona ceenniye; aroochee aageteenaꞌo “Doono Yeeri worganikkiti mooyon boonoshich tuniite” iyeete.

³ Doono Yeeri worganikkiti mooyon nooch tuniitone; ebich emirito noone.

⁴ Doono Yeero, Negeebi baraheexi aacinaꞌo wottee ceenoommon, kecoochee noon wochibe.

⁵ Acimoona taabbeebee yaroon shookkii beetinaꞌo emiree shoddoona qeccemminaꞌone.

⁶ Yaroon shaaggiꞌi eeppiibee hammitinaꞌo, boonoshi qiroon shaagiree ililibee wottemminaꞌone.