Shoddo 124 - Kafa Linguistics Project

Yeeri Bi Asheenaꞌon Quyo

Deshee damba kecheebee shoddeebeeti Daawitichi shoddo

¹ Doono Yeeri noonna tookkii tuneyaano gaata aabichishiye no gettesho? Israꞌeeli ishichi wochibe:

² “Doono Yeeri noonna tookkii bi tuneyaano gaata, asheenaꞌo no toommooch tiyihooba,

³ boonoshi kaaro no toommooch bi aaxxehooba kashoona no beetaa noon qooxxeshinaꞌone;

⁴ aaco noon qooxxeshone; ambamboo no toommona wocceshone;

⁵ giidechi ambamboo no toommona wocceshone” geteete.

⁶ Gashoona noon boonoshi yangixxemmoyich tuniyaanee, Doono Yeeri galleteebe!

⁷ Aaddoochi olloochee, kafoochoommon muricceto noone; ollo tiishetaa, nowoo muriccehone.

⁸ Noon gaacheebeeto showoonaa shimaayoonon halliti Doono Yeerine.