Shoddo 123 - Kafa Linguistics Project

Yeeri Ariqqemmoyich Corooteeti Corooto

Deshee damba kecheebee shoddeebeeti shoddo

¹ Shimaayooch ne taatee qeenooch kotetocho, kaama qaallaꞌa ne waan ciinneho.

² Ebiyoche guuno bi doono kishoon ciinoommon, gonnee bi gennee kishoon ciinoommon, nooch ne ariqqemmi wottoon no aafo no Nuggishoo Doono Yeeri ne waan ciinniye.

³ Doono Yeero, nooch ariqqebe; oogeti hoxeyoo no toommooch bi shaggitoyich, nooch ariqqebe.

⁴ Michiti asheenaꞌochi coonoonaa geecechinaꞌochi hoxoona, no toommooch woddetone.