Shoddo 122 - Kafa Linguistics Project

Yerusaalemi Diggoyich Corooteeti Corooto

Deshee damba kecheebee shoddeebeeti Daawitichi shoddo

¹ “Doono Yeerichi kexooch hambone” boonoshi immona emiriyoye.

² Yerusaaleme, no baateenaꞌo ne xaqqee uxeree kelleenaꞌooch shaggitinaꞌone.

³ Yerusaalemi katemee, mashaamiitaa shuuneeti manje katemeene; katemoochoommon shuuneetine.

⁴ Israꞌeelich qoceetoommon, Doono Yeerin galletoyich Israꞌeelee yoodeenaꞌo, Doono Yeerichi asheenaꞌo, are katemooch woyemminaꞌone.

⁵ Nalloyich taatee qeeninaꞌo arooch beetinaꞌone; Daawiti yareenaꞌochi taatee qeeninaꞌo arooch beetinaꞌone.

⁶ Yerusaalemi diggoyich ishichiree qollebote: “Neen shunnii beetinaꞌoyich wodoo tunebe.

⁷ Ne xaqqee uxeree daggooch, ne mishigoochoo, diggoo tunebe” getote.

⁸ Ta maneenaꞌonaa ta xibeenaꞌonochi naboyich, “Diggoo ne daggooch tunebe” gettemmo taane.

⁹ No Nuggishoo Doono Yeerichi kexoyicha iyaꞌa, gaawe mooyo neech tunemmoyich qaawiyoye.