Shoddo 121 - Kafa Linguistics Project

Yeeri No Qiddoo Tuno

Deshee damba kecheebee shoddeebeeti shoddo

¹ Kaama qaallaꞌa geppeenaꞌo waan ciinneho; taan gaachemmo konine?

² Taan gaachemmo, showoonaa shimaayoonon halliti Doono Yeerine.

³ Biyoo ne baatoo giinnemmoyich tuniyaache; neen quyeebeeto tokketeyaache.

⁴ Ebiyoche, Israꞌeelin quyeebeeto geepphiraache, tokketeyaache.

⁵ Doono Yeeri ne qiddoone; Doono Yeeri ne qanne baddaa neen yiiremmone.

⁶ Aabo areddoon neen michaachemmone; ageno xumoon ne toommooch iritoon bechaachemmone.

⁷ Doono Yeeri gondo bulliichee neen quyemmone; ne kashoon quyemmone.

⁸ Doono Yeeri ne keyonaa ne gimonon andee tiijjiree bulli yemeenooch beddaahaa quyemmone.