Shoddo 120 - Kafa Linguistics Project

Gaachee Danoyich Corooteeti Corooto

Deshee damba kecheebee shoddeebeeti shoddo

¹ Ta xuuxehooba Doono Yeer waan cookiyoye; biyoo ta cookoon waayehe.

² Doono Yeero, koottiibeeti noonoonaa dawushiibeeti heciyoonoochee taan wodiibe.

³ Hini kooteenaꞌote, Yeeri ittoshin aabichiba? Amoon ittoshi toommooch daakki tuniiba?

⁴ Ginee naayochi gayireeti shangoona ittoshin kochemmone; qaaqqee bunoona ittoshin michemmone.

⁵ Mesheek ta beetoyich, Qedaari duukkaanee daggooch ta kotetoyich, taach woowo!

⁶ Diggoon shixxii beetinaꞌo daggooch meeti aaboon kotee yagito taane.

⁷ Ta, digge asho taane; tunebaani ta, diggeechon yibbaatemmona, boonoshi koyeechon yibbaateheete.