Shoddo 12 - Kafa Linguistics Project

Gaachee Danoyich Corooteeti Corooto

Shoddechinaꞌochi ukkiroyich, Daawitichi shoddo

¹ Doono Yeero, noon gaachebe; deꞌe asho ciiretone; ashi bushiisheenaꞌo daggooch gibeneeto aalletone.

² Asho biinnaa biinna kootoon yibbaatehe; maanjoonaa mullee guttiyoona yibbaateheete.

³ Maanjoona yibbaateebeeti noonoonaa yebeneebeeti heciyoonon Doono Yeeri kuxe.

⁴ Boonoshiyoo “No heciyoona sharemmo noone; no noonoo noochone; no doono konine?” ii beetinaꞌone.

⁵ “Girechinaꞌochi xuuxoyich, iritechinaꞌochi cookoyich and tiyemmo taane; boonoshi qaatiti diggoon boonoshich immemmo taane” iye Doono Yeeri.

⁶ Doono Yeerichi gibenee qaaro xalloone; qaaqqee gudoochaa ukkeeꞌi, shabaatte wottoon xalleti, birewoommone.

⁷ Doono Yeero, ne noon quyebe; hini shiijjeroochee bulli aaboon noon quyebe.

⁸ Gonde mooyo ashi daggoochaa galletee gaata, gondeenaꞌo geecoona yindillemminaꞌone.