Shoddo 114 - Kafa Linguistics Project

Beshee Baaree Shoddo

¹ Israꞌeeleenaꞌo Gibitsee, Yaaqobi yareenaꞌo bare yoodeenaꞌo daggoochee, boonoshi keyiyooba,

² Yihudi Yeerichi yaafee kexo, Israꞌeeli bi hajjoo tunehe.

³ Baharo ebin beeggiꞌi woccii aallehe; Yoordaanoosiyoo gubb kishehe.

⁴ Guudinaꞌo bagee baaddoochoommon, geppeenaꞌoo bagee bushiishoochoommon, capphiyeete.

⁵ Baharoocho, woccaa ne aalleto amoon beeggaꞌaniye? Yoordaanooso, gubb ne wotteto amoon beeggaꞌaniye?

⁶ Guudinaꞌote, bagee baaddoochoommon ittoshi capphito amoyichiye? Geppeenaꞌote, bagee bushiishoochoommon ittoshi capphito amoyichiye?

⁷ Showoocho, Doono aafooch, Yaaqobichi Nuggishoo aafooch, qewebe.

⁸ Aroo xaqqoon kote aach, shiishe xaqqoonoo tunee aach, wochitone.