Shoddo 113 - Kafa Linguistics Project

Yeerichi Deꞌittinoon Bekkiibeeti Galleto

¹ Haleluya! Doono Yeerichi maddechinaꞌote, galletebote; Doono Yeerichi shigoon galletebote.

² Andoo bulli yemeenoonoo Doono Yeerichi shigo galleteebe!

³ Aabi keyoochee aabi gimooch beddaahaa, Doono Yeerichi shigo galleteebe!

⁴ Doono Yeeri aagetoo bulli toommooch oogoone; bi oogo shimaayeexi shimaayoyee damboone.

^5-6 Damba koteto, showoonaa shimaayoonon ciinoyich yittiibeeto, no Nuggishoo Doono Yeeriyoommo koni beete?

⁷ Girechon dengoochee tiijjiye; amaalloon tulloochee kaama tiijjiye.

⁸ Iraasheenaꞌona tookkii kotiihe; bi asheenaꞌochi iraasheenaꞌona tookkii kotiihe.

⁹ Xaafeen bushiishoochi indee tuniiꞌi, emiroona bi kexooch bi beeyemmoyich tuniihe. Haleluya!