Shoddo 111 - Kafa Linguistics Project

Doono Yeerich Giddeti Galleto

¹ Haleluya! Kaameenaꞌo kiceetoochaa, iitee daggoochaa, ta ceeni mulloona Doono Yeerin galletemmo taane.

² Doono Yeerichi shuunoo worganikkitone; ebi aroona emiriibeeto bulli shalligoon qaawiye.

³ Doono Yeerichi shuunoo oogoonaa oogee yiirechonane; bi cadiqoo bulli yemeenoon manji beeyemmone.

⁴ Worganikkiti bi shuunoo shalligeeree bi beeyemmoyich tuniihe; Doono Yeeri shoodechonaa ariqqechonane.

⁵ Biin shattii beetinaꞌoyich maayoon immiye; bi giyiti wogoon ciroona batteyaache.

⁶ Aageteenaꞌo showoon boonoshich imona, bi shuunee giidoon bi asheenaꞌoyich bekkiitone.

⁷ Bi shuunoo bulli iberoonaa tatoonane; bi geto bulliyoo gibeneetone.

⁸ Eboshiyoo bulli yemeenoon manjitinaꞌone; boonoshi icheto iberittinoonaa kaamittinoonane.

⁹ Bi wodiyoon bi asheenaꞌoyich deejjiye; bi wogoonoo bulli yemeenooch manjiihe; bi shigoo yaafoonaa shattiitonane.

¹⁰ Ariyoo bulliyee shiichoo Doono Yeerin shatone; biin shattii beetinaꞌo gaawe shalligechinaꞌone; biyoo bulli yemeenoon galletee beeyemmone.