Shoddo 110 - Kafa Linguistics Project

Yeerinaa Bi Kaacciti Taatoonochi Mooyo

Daawitichi shoddo

¹ Doono Yeeri ta Doonoyich ishichiye: “Ne etteenaꞌon ne baatee dechiich ta tuniimmi wottoon ta qannooch kotebe” iye.

² Doono Yeeri ne taatee giidoon Yerusaalemee tiijji gamichemmone; newoo ne etteenaꞌo daggoochaa hajjemmo neene.

³ Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

⁴ “Meleekitsedeqichi qeeshittinee shafiroona, ne bulli yemeenoon qeeshoo neene” ii Doono Yeeri wogetone; bi gaboon shaddaachemmone.

⁵ Doono ne qannoochiye; bi kaaree aabooba taateenaꞌon buriccemmone.

⁶ Aageteenaꞌo daggooch nallemmone; koyee xaaꞌooch dubenoon ceechemmone; showee timmeexi taateenaꞌon aalliyemmone.

⁷ Gommi gasheexi woce aacoochee uchemmone; ebich kuppheree, wudoon danemmone.