Shoddo 11 - Kafa Linguistics Project

Doono Yeerin Gibeno

Shoddechinaꞌochi ukkiroyich, Daawitichi shoddo

¹ Doono Yeeri shoobooch giyeto taane; ishigaata aabichiꞌi taan, “Kafoochoommon guudi toommooch biite” iyote?

² Ittoshiyoo, “Ebiyoche, axaaxechinaꞌo boonoshi maꞌoon yeepphitinaꞌone; mulli kaame asheenaꞌon manderoochaa koyoyich, boonoshi shangoon maꞌooch qojjitinaꞌone.

³ Dechi heco shekireechaa, cadiqo amoon tuniyoo hakkehe?” iyote.

⁴ Doono Yeeri yaafeeti bi yaafee kexooch beetone; Doono Yeerichi taatee qeeno shimaayoochiye; bi aafo ashi bushiisheenaꞌon manjii ciinnii, boonoshi shuunoonoo maqqii arii beetone.

⁵ Doono Yeeri cadiqe ashoonaa gonde ashoonon phiree beeggii beetone; tunebaani xuꞌoon shunnii beeton shixxiye.

⁶ Gondeenaꞌo toommooch, qaaqqee bunoonaa waageroonon amiyochoommon dichemmone; gaame yongo boonoshi ixee qoodoo tunemmone.

⁷ Doono Yeeri cadiqo bi tunetoyich cadiqee shuunoon shunniye; kaame asheenaꞌo bi aafoon beeggemminaꞌone.