Shoddo 108 - Kafa Linguistics Project

Gaachee Danoyich Corooteeti Corooto

Daawitichi shoddo

¹ Yeero, ta gibeno manjoone; qaalliree ta ceeni mulloona shoddoona neen galletemmo taane.

² Ooge ta ximboonaa masinqoonote, tibote! Tawoo yaaꞌoona tiyemmo taane.

³ Doono Yeero, macceenaꞌo daggoochaa neen galletemmo taane; aageteenaꞌo daggoochaa galletee shoddoon neech shoddemmo taane.

⁴ Ne shoodo woddoo, damba shimaayoyee beshoone; ne gibeneyoo gumooch bedoone.

⁵ Yeero, shimaayeenaꞌoyee damba oogebe! Ne oogo showee toommo bulliich bede.

⁶ Ne shunnaabeeti asheenaꞌo wodemmoyich, ne qanne mochoona noon gaachebe; ta corootoon waayebe.

⁷ Yeeri bi yaafee kexoochaa ishichiye: “Emiroona Shekeemin qeellemmo taane; Sukooti bamboon qoodemmo taane.

⁸ Gilaadi taachone; Minaasi taachone; Efreemi ta xuuree ukoone; Yihudi ta taatee gumboone.

⁹ Moꞌabi, ta aachi machee qiicoone; Edoomi toommooch ta caammoon duppemmo taane; Filsixeemi toommooch wudee danoona ililemmo taane” iye.

¹⁰ Mishigechi katemooch koni taan daamba? Edoom koni taan dabbii hamba?

¹¹ Yeero, noon duppeto neene; Yeero, no ginee naayinaꞌona tookkaa keyaano neene.

¹² Ashi gaacho duuboone; no etteenaꞌon no kochemmoyich, ne noon gaachebe.

¹³ Yeerina wudoon danemmo noone; biyoo no etteenaꞌon dech kotemmone.