Shoddo 101 - Kafa Linguistics Project

Taatoo Tuniiya Bi Gibenikkiti Mooyo

Daawitichi shoddo

¹ Doono Yeero, neech shoddemmo taane; ne shoodoonaa ne dayinnetoonoyich shoddemmo taane.

² Ta gommon xalliyemmo taane; ta waan ne woyemmo aatane? Ta taatee kexoochaa kaamittinoona beeyemmo taane.

³ Gonde shuunoon ciinibee cikki qayaachemmo taane; Yeeriyee kechiti asheenaꞌo mooyon shixxehoye; boonoshina tookkishoo ciroona guuphaache.

⁴ Xumme mullechi asheenaꞌo ta waanee woheete; ta, gondeenaꞌona tookkaa guuphaano taane.

⁵ Bi nuuchoon gubbaa oonnii beeton aalliyemmo taane; geecoona coonderee beetinaꞌon haaꞌiyaachemmo taane.

⁶ Ta taatee kexoochaa boonoshi maddemmoyich, hini showeexi gibeneeti asheenaꞌon gaawe aafoona ciinnemmo taane; bachaalli beemona beemmo aroo taach maddemmone.

⁷ Dachechi asho ta kexooch beetaachemmone; koottiibeeto ta waan beetaachemmone.

⁸ Showee toommeexi axaaxechinaꞌon maaddi maaddoona aalliyemmo taane; Doono Yeerichi katemoochee gondeenaꞌo bullin aalliyemmo taane.