Shoddo 1 - Kafa Linguistics Project

IKKINNEE KUXO ( Shoddo 1–41 ) Ibere Diireyoo

¹ Gondeenaꞌochi ciicoona hamaani, axaaxechinaꞌochi gommooch neexeyaani, cooqqirechinaꞌochi gabberooch koteyaani, asho diireetone.

² Ebin tuniibeeti asho, Doono Yeerichi sheeroona emiriye; ebi sheeroonoo xumoonaa areddoonon yexiihe.

³ Aroo, woce aachi gashooch becheeti, bi goori gooroona aafaabeeti, bi waamo shoollaani, mixiyoommone; bi shuuneebeeto bulli biich kaamemmone.

⁴ Gondeenaꞌo ebiyoomminaꞌo tooneenaꞌone; yongo hidii daammiibeeti maaxxoomminaꞌone.

⁵ Ebich, gondeenaꞌo nallee gabberee aafooch, axaaxechinaꞌo cadiqeenaꞌochi iitee daggooch, neexoon hakkaachemminaꞌone.

⁶ Doono Yeeri cadiqeenaꞌo aaf shiichiꞌi, boonoshin quyee beetone; tunebaani gondeenaꞌochi gommo bi bechiibeeto aalloochiye.