Nehimi 7 - Kafa Linguistics Project

¹ Uxeroon uxeraꞌa shaaqqeenaꞌon boonoshi xaaꞌi xaaꞌooch ta xogitoyee gubb, kellechinaꞌo, shoddechinaꞌonaa Leweenaꞌona ukkiretoyee gubb,

² ta manoo Hanaaniyi meeti asheenaꞌoyee beshoon Yeerin shattiibeeti, gibeneeti asho bi tunetoyich, xaqqee dilaalee ukkiroo tuneti Hanaanina tookkaa Yerusaalem iraashiiho.

³ Tawoo boonoshich, “Aabo qeecaan beetaa, katemee kelleenaꞌon qechiyaahote. Kelloon quyechinaꞌo boonoshi quye beetaa, batt xumeyaan beetaa, kelleenaꞌo hicheyee tuggeebeete. Wotta Yerusaalemi asheenaꞌoochee ikkikkeenaꞌon boonoshi quyee xaaꞌooch, ikkikkeenaꞌon wotta boonoshi kechi kechi ciinooch quyiibote” iyo.

Kecoochee Wotteti Asheenaꞌo

⁴ Katemoo gamini, ooge katemoone; tunebaani arooch beeti asheenaꞌo meetaaneenaꞌone; kexinaꞌoo batt hakkeyaaneenaꞌone.

⁵ Ogoogeenaꞌon, ukkireenaꞌon, echeti asheenaꞌonoo ikkooch ta kicaa boonoshi yari yaree haddoona boonoshi kobereyemmoyich, ta Nuggishoo ta mullooch gabichiye. Shiichiꞌi boonoshi showooch wotteti asheenaꞌochi shiijjeroo kobereeti macaafoon daneho. Aroochee ta daneti, kooreeti mooyo ebine:

^6-7 Baabloonee taatoo Nabukadinatsori keccii daammiti asheenaꞌoochee Yerusaaleminaa Yihudee showoonooch, Zerubabeelina, Yaasina, Nehimina, Azariyaasina, Raamiyaahina, Nahamaanina, Mordokiyoosina, Bilishanina, Misifereetina, Bigiwayina, Nehuuminaa Banaahina tookkii wotteꞌi, are woraafooch beeti boonoshi katemi katemooch koteti asheenaꞌo eboshine: Israꞌeeleenaꞌoochee wotteti doonjeenaꞌochi haddoo:

⁸ Farooshi yaroochee gutte humaa ikke ballaa shabaa guttoo,

⁹ Shefaxiyi yaroochee keejje ballaa shabaa guttoo,

¹⁰ Araahi yaroochee shiritte ballaa aachaa guttoo,

¹¹ Fahaat Moꞌabichi shiijjeroochee tuneti, Yaasinaa Yoꞌaabinochi yaroochee gutte humaa shimitte ballaa aaraa shimittoo,

¹² Elaami yaroochee humaa gutte ballaa aachaa awuddo,

¹³ Zatuuhi yaroochee shimitte ballaa aabbaa uuchoo,

¹⁴ Zakayi yaroochee shabaatte ballaa shichoo,

¹⁵ Biinuyi yaroochee shiritte ballaa aabbaa shimittoo,

¹⁶ Beebayi yaroochee shiritte ballaa hiyaa shimittoo,

¹⁷ Azigaadi yaroochee gutte humaa keejje ballaa hiyaa guttoo,

¹⁸ Adoniqaami yaroochee shiritte ballaa shichaa shabaattoo,

¹⁹ Bigiwayi yaroochee gutte humaa shichaa shabaattoo,

²⁰ Adiini yaroochee shiritte ballaa aachaa uuchoo,

²¹ Hiziqiyaasi shiijjeroochee tuneti, Axeeri yaroochee yixenaa shimittoo,

²² Hashuumi yaroochee keejje ballaa hiyaa shimittoo,

²³ Beetsayi yaroochee keejje ballaa hiyaa awuddo,

²⁴ Hariifi yaroochee balli aaraa guttoo,

²⁵ Gibeꞌooni yaroochee yixenaa uuchoone.

²⁶ Boonoshi qaabbechinaꞌo beebee echeti katemeenaꞌooch wotteti asheenaꞌochi haddoo: Beetileheminaa Nexoofinooch balli shinnaa shimittoo,

²⁷ Anaatootee asheenaꞌoochee balli hiyaa shimittoo,

²⁸ Beet Azimaweetee asheenaꞌoochee aabbaa guttoo,

²⁹ Qiriyaat Yeꞌariimee asheenaꞌoochee, wotta Kefiraahee asheenaꞌonaa Beerootee asheenaꞌonoochee shabaatte ballaa aabbaa keemo,

³⁰ Raamee asheenaꞌonaa Geebee asheenaꞌonoochee shiritte ballaa hiyaa ikkoo,

³¹ Mikimaashee asheenaꞌoochee balli hiyaa guttoo,

³² Beeteelee asheenaꞌonaa Aayee asheenaꞌonoochee balli hiyaa keemo,

³³ bare Neebee asheenaꞌoochee aachaa guttoo,

³⁴ bare Elaamee asheenaꞌoochee humaa gutte ballaa aachaa awuddo,

³⁵ Hariimee asheenaꞌoochee keejje ballaa hiyoo,

³⁶ Yaarikee asheenaꞌoochee keejje ballaa aabbaa uuchoo,

³⁷ Loodee asheenaꞌoochee, Hadiidee asheenaꞌonaa Oonee asheenaꞌonoochee shabaatte ballaa hiyaa ikkoo,

³⁸ Senaahee asheenaꞌoochee keejje humaa yiixiye ballaa shaashoone.

³⁹ Wotteti, qeesheenaꞌochi haddoo ebine: Yaasichi shiijjeroochee tuneti, Yedaayi yaroochee yiixiye ballaa shabaa keemo,

⁴⁰ Imeeri yaroochee humaa aachaa guttoo,

⁴¹ Fashuuri yaroochee humaa gutte ballaa aabbaa shabaattoo,

⁴² Hariimi yaroochee humaa aaraa shabaattoone.

⁴³ Wotteti Leweenaꞌochi haddoo: Hodewaahi shiijjereenaꞌo tuneti, Yaasinaa Qadimeelinochi yareenaꞌoochee shabaa awuddoone.

⁴⁴ Wotteti shoddechinaꞌochi haddoo: Asaafi yaroochee balli aabbaa shimittoone.

⁴⁵ Wotteti kellechinaꞌochi haddoo: Shaluumi yaroochee, Axeeri yaroochee, Xalimooni yaroochee, Aquubi yaroochee, Haxiixichi yaroonaa Shobaayi yaroonoochee balli shaashaa shimittoone.

⁴⁶ Wotteti, yaafee kechi maddechinaꞌo: Tsiihi yaroochee, Hasuufi yaroochee, Xabaꞌooti yaroochee,

⁴⁷ Qeroosi yaroochee, Siyahi yaroochee, Fadooni yaroochee,

⁴⁸ Lebanaahi yaroochee, Hagabaahi yaroochee, Shalimayi yaroochee,

⁴⁹ Hanaani yaroochee, Gideeli yaroochee, Gahaari yaroochee,

⁵⁰ Reꞌayi yaroochee, Resini yaroochee, Neqoodi yaroochee,

⁵¹ Gazami yaroochee, Uzayi yaroochee, Faseꞌaahi yaroochee,

⁵² Beesayi yaroochee, Meꞌuniimi yaroochee, Nefishesimi yaroochee,

⁵³ Bakbuki yaroochee, Haquufi yaroochee, Harihuuri yaroochee,

⁵⁴ Baziluuti yaroochee, Mehidi yaroochee, Harishi yaroochee,

⁵⁵ Barqoosi yaroochee, Siseeri yaroochee, Temaahi yaroochee,

⁵⁶ Nesiyi yaroonaa Haxiifi yaroonoochee tunetinaꞌone.

⁵⁷ Wotteti, Solomooni guuninaꞌochi yareenaꞌo eboshine: Soxayi yaroochee, Sofereeti yaroochee, Feriidi yaroochee,

⁵⁸ Yaali yaroochee, Daarkooni yaroochee, Gideeli yaroochee,

⁵⁹ Shefaxiyi yaroochee, Haxiili yaroochee, Fokereet Hasebayimi yaroonaa Amooni yaroonoochee tunetinaꞌone.

⁶⁰ Ebi bulli yaafee kechi maddechinaꞌo yaroonaa Solomooni guuninaꞌo yaroonochi haddoo keejje ballaa yixenaa guttoone.

⁶¹ Hiniyee desh beetinaꞌo wotta, Tel Melaah, Tel Harishi, Kiruubi, Adoninaa Imeerina getteebeeti katemeenaꞌoochee wottetinaꞌone; tunebaani boonoshi yaroo Israꞌeelee daggeexo bi tunoon yaroon keemmii geton hakkaaneenaꞌone. Boonoshiyoo,

⁶² Delayi yaroochee, Xobbiyichi yaroonaa Neqoodichi yaroonoochee tunetinaꞌone; eboshiyoo shiritte ballaa aabbaa gutteenaꞌone.

⁶³ Wotta wotteti, qeesheenaꞌo, Hobaayi yaroochee, Haqoosi yaroonaa Barizilayi yaroonoochee tunetinaꞌone. (Barizilayi Gilaadee asho Barizilayi busheen bi shaaggitoyich, bi abboo shigoona ceekketone.)

⁶⁴ Eboshiyoo shiijjeree keemee macaafoochee boonoshi shiijjeroon qaawiyeete; tunebaani daneyaaneenaꞌone. Ebich “Xalleenaꞌo tooneenaꞌone” getaa, qeeshittinee maddoo boonoshich bachehe.

⁶⁵ Uriimoonaa Tumiimoona Yeerin echeebeeti qeeshoo danemmi wottoon, oogichii yaafeeti maayoochee boonoshi maataachemmoyich showee iraashoo gettiye.

^66-67 Shabaatte humaa keejje ballaa shaashaa shabaatte boonoshi guuninaꞌonaa gonneenaꞌonon gedaanoon, asheenaꞌo bullichi haddoo aabbaa gutte humaa keejje ballaa shichoone. Boonoshichoo anaaminaꞌonaa maacheenaꞌona tuneti, gutte ballaa aabbaa uuche shoddechinaꞌo beetinaꞌone.

⁶⁸ Shabaatte ballaa shaashaa shiritte hareshoo, gutte ballaa aabbaa uuche biceroo,

⁶⁹ awudde ballaa shaashaa uuche gaaleenaa shiritte humaa shabaatte ballaa hiye kuroona boonoshich beetone.

⁷⁰ Yaree ukkireenaꞌoochee ikkikkeenaꞌo shuunoo shuuneyemmoyich, wojjoon immiyeete. Showee iraashoo shimitte kiilo giraamaa qachi aachoon, aache quppe saanoonaa qeesheenaꞌoyich tunemmi, uuche ballaa shaashe tahoonon deebii ginjabeetooch giijjiye.

⁷¹ Wotta yaree ukkireenaꞌoochee ikkikkeenaꞌo shuunoo shuuneyemmoyich, balli shabe kiilo giraam bede aachoon, humaa gutte ballaa aache kiilo giraam bede birewoonoo deebii, ginjabeetooch giijjiyeete.

⁷² Echeti asheenaꞌo balli shabe kiilo giraam bede aachoon, ikke humaa ikke balle kiilo giraam bede birewoonaa qeesheenaꞌoyich tunemmi, shichaa shabaatte tahoonon immiyeete.

⁷³ Qeesheenaꞌo, Leweenaꞌo, kellechinaꞌo, shoddechinaꞌo, ikkikke asheenaꞌo, yaafee kechi maddechinaꞌonaa echeti Israꞌeeleenaꞌo bullina boonoshi katemi katemooch koteheete. Shabaattinee agenooch Israꞌeeleenaꞌo boonoshi katemi katemooch koteheete.