Nehimi 3 - Kafa Linguistics Project

Yerusaalemi Xaqqee Uxeroo Shuuneyoo

¹ Aroochee qeeshee guudo Eliyashibinaa qeesheenaꞌo tuneti bi maneenaꞌona tiyiꞌi, Bagee Kelloon shuuneheete; yaafiyeete; kellee shaaqqoonoo xogiyeete. Balleenaꞌochi Xaqqee Dilaaloonaa Hanaaneeli Xaqqee Dilaaloonooch beddaahaa yaafiyeete.

² Boonoshi gaꞌoochaa Yaarikee asheenaꞌo shuuneheete. Boonoshi gaꞌoochaa Imiri bushoo Zakuuri shuunehe.

³ Hasenaahi bushiisheenaꞌo Haashee Kelloon shuuneheete; shaaqqee shagoon geddiyeete; kellee shaaqqoonoo xogiyeete; tuggoonaa qojjoonon geddiyeete.

⁴ Boonoshi gaꞌoochaa Haqoosi bushoochi bushoo, Uuriyi bushoo Meremooti uxerehe. Bi gaꞌoochaa Meshezabeeli bushoochi bushoo, Beraakiyi bushoo Meshulaami uxerehe. Bi gaꞌoochaa Baꞌaani bushoo Sadooqi uxerehe.

⁵ Bi gaꞌoochaa Teqoꞌee asheenaꞌo uxereheete; tunebaani boonoshi ogoogeenaꞌo ukkiroyich deꞌa iꞌi yittii shuunoyich daaggaaneenaꞌone.

⁶ Faseꞌaahi bushoo Yoyaadinaa Besodeyaahi bushoo Meshulaamina Geene Kelloon shuuneheete; shaaqqee shagoon neechiyeete; kellee shaaqqoon xogiyeete; tuggoonaa qojjoonon geddiyeete.

⁷ Boonoshi gaꞌoochaa Gibeꞌoonee asho Melaxiyinaa Meronootee asho Yaadoonina, Gibeꞌooni asheenaꞌonaa Mitsiphi asheenaꞌona Efiraaxisee beqachi woraaferashoo kexooch beddaahaa uxereheete.

⁸ Boonoshi gaꞌoochaa aachoon ukkiibeeti, Harihayi bushoo Uzeeli uxerehe. Bi gaꞌoochaanoo shittoon shuuneebeeti Hanaaniyi uxerehe. Boonoshiyoo Gamini Uxerooch beddaahaa Yerusaalemi uxeroon uxereheete.

⁹ Boonoshi gaꞌoochaa Yerusaalemi dubbiyee qaton qeejjiibeeti ukkiroo, Huuri bushoo Refayi uxerehe.

¹⁰ Bi gaꞌoochaa Harumaafi bushoo Yedaayi bi kechi ciinooch beeton uxerehe. Bi gaꞌoochaa Hashabiniyahi bushoo Hatuushi uxerehe.

¹¹ Hariimi bushoo Malikiyinaa Fahaat Moꞌabi bushoo Hashuubina bi gaꞌeexi uxeroonaa Gudee Dilaaloonon shuuneheete.

¹² Boonoshi gaꞌoochaa Yerusaalemi dubbiyee bare qaton qeejjiibeeti ukkiroo tuneti Haloheeshi bushoo Shaluumi bi maache bushiishoona tookkii uxerehe.

¹³ Bambeexi Kelloon Hanuuninaa Zanoohi dubbiyee asheenaꞌona shuuneheete; kellee shaaqqoonoo xogiyeete; tuggoonaa qojjoonon geddiyeete; wotta Guudoo Duppi Kellooch beddaahaa hume hira bede uxeroon uxereheete.

¹⁴ Beet Hakereemi dubbiyee ukkiroo, Rekaabi bushoo Malikiyi Guudoo Duppi Kelloon shuunehe; kellee shaaqqoon xogiye; tuggoonaa qojjoonon geddiye.

¹⁵ Mitsiphi dubbiyee ukkiroo Kolihoozi bushoo Shaluumi Aachi Xuuphee Kelloon shuunehe; bi toommooch kechi aafoon shuunehe; kellee shaaqqoon xogiye; tuggoonaa qojjoonon geddiye. Daawiti Katemoochee kindeebeeti daqqellooch beddaahaa taatoochi bechee mixinaꞌo daggooch beeti Seeli Waakkee Aachi gabee uxeroon shuunehe.

¹⁶ Biyee aafaa, Beet Suuri dubbiyee qaton qeejjiibeeti ukkiroo, Azibuki bushoo Nehimi, Daawitichi maashee ciinooch beeti xaaꞌooch beddaahaa, waakkee aachi gaboonaa ginee anaaminaꞌo kexonooch beddaahaa shuunehe.

Xaqqee Uxeroon Shuuneti Leweenaꞌo

¹⁷ Biyee aafaa uxereti Leweenaꞌo eboshine: Baniyi bushoo Rehuumi uxerehe; bi gaꞌoochaa Qeꞌili dubbiyee qaton qeejjiibeeti ukkiroo Hashabiyi bi dubbiyee qoodoon uxerehe.

¹⁸ Boonoshiyee aafaa uxereti boonoshi maneenaꞌo eboshine: Qeꞌili katemee bare qaton qeejjiibeeti ukkiroo, Henadaadi bushoo Bawayi uxerehe.

¹⁹ Bi gaꞌoochaa Mitsiphi katemee ukkiroo Yaasi bushoo Ezeeri ginee qiicee kechi ciinooch beeti bare xaaꞌeexi uxeroon, uxeree danee gaꞌooch beddaahaa uxerehe.

²⁰ Biyee aafaa Zabaayi bushoo Baaruuki uxeree danoochee tiijjiꞌi qeeshee guudo Eliyashibi kechi kellooch beddaahaa beeti uxeree kuxon uxerehe.

²¹ Biyee aafaa Haqoosi bushoochi bushoo Uuriyi bushoo Meremooti Eliyashibi kechi kellee shaaqqoochee tiijjiꞌi, are kechi ciirooch beddaahaa beeti uxeree kuxon uxerehe.

Xaqqee Uxeroon Shuuneti Qeesheenaꞌo

²² Biyee aafaa bamboochee waati qeesheenaꞌo uxereheete.

²³ Boonoshiyee aafaa Biiniyaaminaa Hashuubina boonoshi kechi ciinooch beeton uxereheete. Boonoshiyee aafaa Anaaniyi bushoochi bushoo Maseyaahi bushoo Azariyaasi bi kechi gaꞌooch beeton uxerehe.

²⁴ Biyee aafaa Henadaadi bushoo Biinuyi, Azariyaasi kexoochee tiijjiꞌi uxeree danooch beddaahaa beeti uxeree kuxon uxerehe.

²⁵ Uzayi bushoo Falaali, uxeree danee ciinooch beetonaa kellee quyechinaꞌochi addibaabee daggooch beeti, dambee taatee kexona yeshe xaqqee dilaaloonoochee tiijjiꞌi uxerehe. Biyee aafaa Farooshi bushoo Fedayi uxerehe.

²⁶ Ofeeli geppooch koteti, yaafee kechi maddechinaꞌo aabi-keyo waan beeti Aachi Kellee ciinoonaa xaqqee dilaalee ciinoonooch beeti uxeree kuxon uxereheete.

Xaqqee Uxeroon Shuuneti Bare Asheenaꞌo

²⁷ Boonoshiyee aafaa Teqoꞌee asheenaꞌo taatee kexona yeshe ooge xaqqee dilaalee ciinoochee Ofeeli uxerooch beddaahaa beeti uxeree kuxon uxereheete.

²⁸ Hareshee Kelloyee damba qachaa qeesheenaꞌo boonoshi ikkikkoona boonoshi kechi ciinoochaa uxereheete.

²⁹ Boonoshiyee aafaa Imeeri bushoo Sadooqi bi kechi ciinoochaa uxerehe. Biyee aafaa Aabi-keyo Waani Kellee quyecho, Shekaniyi bushoo Shemayaahi uxerehe.

³⁰ Biyee aafaa Shelemaayi bushoo Hanaaniyinaa Tsalaafichi shirittinnee bushoo Hanuunina ikke kuxi uxeroon uxereheete. Boonoshiyee aafaa Beraakiyi bushoo Meshulaami bi kechi ciinoochaa uxerehe.

³¹ Biyee aafaa aachoon ukkii beetinaꞌoochee ikkoo tuneti Malikiyi Quyechinaꞌochi Kellee ciinooch beeti, yaafee kechi maddechinaꞌonaa giixechinaꞌochi kexonooch beddaahaa, uxeree danoyee damba beeti kexooch beddaahaanoo uxerehe.

³² Uxeree danoyee damba qach beeti kexoochee tiijjii Bagee Kellooch beddaahaa, aachee ukkechinaꞌonaa giixechinaꞌona uxereheete.