Nehimi 11 - Kafa Linguistics Project

Yerusaalem Koteti Asheenaꞌo

¹ Arooba asheenaꞌon yaabii qeejjii beetinaꞌo Yerusaalem koteheete. Echeti asheenaꞌoochee aashiroochee ikke beeroo yaafe katemee Yerusaalem bi kotemmoyich ixoo kuchehe; echeti yiixiye beeroo wotta bare katemeenaꞌooch echehe.

² Ebi echeti asheenaꞌo Yerusaalem kotoyich daaggitinaꞌo bullin diiriyeete.

³ Israꞌeeleenaꞌo, qeesheenaꞌo, Leweenaꞌo, yaafee kechi maddechinaꞌonaa Solomoonichi maddechinaꞌochi yareenaꞌoochee ikkikkeenaꞌo Yihudee showooch beeti katemeenaꞌooch koteheete; eboshi boonoshi hajjee kexonaa boonoshi katemoonooch kotemmona, woraaferasheenaꞌo Yerusaalem koteheete.

⁴ Yihudinaa Biiniyaaminochi yoodoochee ikkikke asheenaꞌo Yerusaalem koteheete. Yihudi yoodoochee Yerusaalem kotetinaꞌo: Feretsi shiijjereenaꞌoochee, Mahaleeli bushoo, Shefaxiyi bushoo, Amariyi bushoo, Zakaariyaasi bushoo, Uziyaahi bushoo Atayahine;

⁵ Yihudi bushoo Shiloonichi shiijjereenaꞌoochee, Zakaariyaasi bushoo, Yoyariibi bushoo, Adaayi bushoo, Hazayi bushoo, Kolihoozi bushoo, Baaruuki bushoo Maseyaahine.

⁶ Yerusaalem koteti, Feretsi shiijjereenaꞌo bulli awudde ballaa shichaa shimitte ginee anaaminaꞌone.

⁷ Biiniyaami yoodoochee Yerusaalem kotetinaꞌo: Yeshaayi bushoo, Iteli bushoo, Maseyaahi bushoo, Qolaayi bushoo, Fedayi bushoo, Yoꞌeedi bushoo, Meshulaami bushoo Saluuhi,

⁸ bi xibeenaꞌo Gabayinaa Salaayinane; eboshi bulliyoo yiixiye ballaa hiyaa shimitteenaꞌone.

⁹ Boonoshi ukkiroo Zikiri bushoo Yoꞌeeli tunemmona, Hasenuwaahi bushoo Yihudi are katemee guttinnee ukkiroone.

¹⁰ Qeesheenaꞌoochee Yerusaalem kotetinaꞌo: Yoyariibi bushoo Yedaayi, Yakiini,

¹¹ yaafee kechi ukkiroo Akixuubi bushoo, Merayooti bushoo, Sadooqi bushoo, Meshulaami bushoo, Hiliqiyi bushoo Seraayinaa

¹² yaafee kexooch tookkii shuunee beetinaꞌona shimitte ballaa hiyaa gutteenaꞌone. Malikiyi bushoo, Fashuuri bushoo, Zakaariyaasi bushoo, Amitsi bushoo, Felaliyaahi bushoo, Yerohaami bushoo Adaayinaa

¹³ boonoshi yareenaꞌochi ukkireenaꞌo tuneti bi maneenaꞌona, gutte ballaa aabbaa gutteenaꞌone; Imeeri bushoo, Meshilemooti bushoo, Ahizaayi bushoo, Azareli bushoo Amashisinaa

¹⁴ ginee anaaminaꞌo tuneti bi maneenaꞌona balli hiyaa shimitteenaꞌone. Boonoshi ukkiroo Hagedoliimi bushoo Zabideline.

¹⁵ Leweenaꞌoochee Yerusaalem kotetinaꞌo: Buuni bushoo, Hashabiyi bushoo, Aziriqaami bushoo, Hashuubi bushoo, Shemayaahi;

¹⁶ ebiyoommon wotta yaafee kechi maaxeexi shuunoyich ukkireenaꞌo tuneti Leweenaꞌoochee Shabetaayinaa Yozabaadina;

¹⁷ shoddee galletoonaa corootoona aaf shiichii yaabiibeeti, Asaafi yaroochee tuneti Zabidi bushoo, Miki bushoo Mataniyi, bi maneenaꞌo daggooch guttinnee ukkiroo tuneti Bakbukiyinaa Yedutuuni bushoo, Galaali bushoo, Shamuꞌi bushoo Abidahinane.

¹⁸ Yaafe katemooch koteti Leweenaꞌo bulli gutte ballaa shinnaa awuddeenaꞌone.

¹⁹ Kellechinaꞌoochee Yerusaalem kotetinaꞌo: Aquubi, Xalimooninaa kelleenaꞌon quyeti boonoshi maneenaꞌona balli shabaa gutteenaꞌone.

²⁰ Echeti Israꞌeeleenaꞌo, qeesheenaꞌonaa Leweenaꞌona Yihudee showooch beeti katemeenaꞌo bulliich, boonoshi woraashiti showi showooch koteheete;

²¹ tunebaani yaafee kechi maddechinaꞌo Ofeeli geppooch koteheete; Tsiihinaa Gishiphina boonoshi toommooch ukkiretinaꞌone.

²² Yaafee kexooch maddeebeeti shoddechinaꞌoochee Asaafi yaroo tuneti Miki bushoo, Mataniyi bushoo, Hashabiyi bushoo, Baniyi bushoo Uuzi Yerusaalem beeti Leweenaꞌochi ukkiroone.

²³ Qemi qemona boonoshi maddeebeeti maddoon ciinnii beetona shoddechinaꞌoyich taatoo qociiti qociyoo beetone.

²⁴ Yihudi bushoo Zaarichi shiijjeroo tuneti Meshezabeeli bushoo Fetahiyi taatoo aafooch asheenaꞌo mooyon yakkirii beehe.

²⁵ Yihudi yoodee asheenaꞌoochee ikkikkeenaꞌo boonoshi katemoonaa goyoonooch, ebiyoo Qiriyaat Aribi katemoonaa bi guudoona beeti gafoonooch, Diibooni katemoonaa bi guudoona beeti gafoonooch, Yeqabiseeli katemoonaa bi guudoona beeti gafoonooch koteheete.

²⁶ Wotta Yaasichi katemooch, Molaadi katemooch, Beet Phaleexi katemooch,

²⁷ Hatsaar Shuwaali katemooch, Beershaabi katemoonaa bi guudoona beeti gafoonooch,

²⁸ Tsiqilaagi katemooch, Mekooni katemoonaa bi guudoona beeti gafoonooch,

²⁹ En Rimooni katemooch, Tsoriꞌi katemooch, Yarimuuti katemooch,

³⁰ Zanoohi katemoonaa bi guudoona beeti gafoonooch, Adulaami katemoonaa bi guudoona beeti gafoonooch, Lakishi katemoonaa bi goyee budinaꞌonooch, Azeqi katemoonaa bi guudoona beeti gafoonooch koteheete. Ebina Beershaabi katemoochee tiijjiꞌi Hinoomi bambooch beddaahaa koteheete.

³¹ Biiniyaami yoodee asheenaꞌo Geebee tiijjiꞌi, Mikimaash, Ayaahi, Beeteelinaa bi guudoona beeti gafoonooch,

³² Anaatoot, Noob, Anaaniy,

³³ Hatsoor, Raam, Gitaayim,

³⁴ Hadiid, Seboyimi, Nebalaat,

³⁵ Loodinaa Ooninooch, wotta Shuunee Ariyechinaꞌo bambooch koteheete.

³⁶ Yihudee showooch beeti Leweenaꞌoochee ikkikke kuxi asheenaꞌo Biiniyaamee showooch hammiꞌi koteheete.