Milikiyaasi 4 - Kafa Linguistics Project

Doono Yeerichi Aabo

¹ Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

² Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

³ Ta shuunemmi aabooba gondeenaꞌo ittoshi baatee dechiich tulloon tunemminaꞌone. Ittoshiyoo boonoshin neexxemmo ittoshine” iye Beshe Mawe Doono Yeeri.

⁴ Beshe Mawe Doono Yeeri ishichiye: “Israꞌeeleenaꞌo bullich bi tunemmoyich, Siini guudoochaa ta guuno Muusich ta immeti sheereenaꞌon, qociyeenaꞌonaa doyeenaꞌonon gabibote.

⁵ “Ebiyoche, oogoonaa shattiitona tuneti Doono Yeeri ta aabo waataan beetaa keemechi Eliyaasin ittoshich deejjemmo taane.

⁶ Ta waaree showoon ufona ta aalliyaachemmoyich Eliyaasi, niheenaꞌo mulloon bushiisheenaꞌo waan, bushiisheenaꞌo mulloon niheenaꞌo waan wochemmone” iye.