Iziri 10 - Kafa Linguistics Project

Asheenaꞌo Boonoshi Axaaxoon Aannoo

¹ Iziri yaafee kechi maachi godooch guufeꞌi, eeppiibee corootii, aannii bi beetaa, Israꞌeeleenaꞌoochee anaaminaꞌo, maacheenaꞌonaa bushiisheenaꞌona, dofee iitoo ikkotteꞌi bi waan kiceehe; boonoshiyoo wotta oogichii eeppiyeete.

² Elaamichi yaroo tuneti Yehiꞌeeli bushoo Shekaniyi Izirich ishichiye: “No guudoona beeti aageteenaꞌochi maacheenaꞌon shaagona no Nuggishoon xuqqeto noone; tunebaani andoo ebi mooyoyich gibeno Israꞌeeleenaꞌoyich beetone.

³ Ebich no Nuggishoochi getoon shattiibeeti asheenaꞌonaa ta doono neennochi ciicoommon, ebi maacheenaꞌo bullinaa boonoshi bushiishoonon daachiyoyich, no Nuggishoo aafooch wogoon gibone; ebiyoo sheeroo gettii beetoommon tunebe.

⁴ Tibe; ebin tuniyoo neech qaawiihe; nowoo neenna tookkaa noone. Kuppheree ebin tuniibe” iye.

⁵ Arooba Iziri tiyiꞌi, qeeshee ukkireenaꞌon, Leweenaꞌonaa echeti Israꞌeeleenaꞌo bullinon ebi qaaroon boonoshi ceechemmoyich wogiihe; boonoshiyoo wogeheete.

⁶ Aroochee Iziri yaafee kechi maachi godoochee tiyiꞌi, Eliyashibi bushoo Yehohanaani kexooch giyiye; kecoochee wotteti asheenaꞌo gibeneeto tuno boonoshi qajjitoyich, muushenee beehe; maayoon maataanoone; aaconoo uyaanoone.

^7-8 Aroyee gubb kecoochee wottetinaꞌo bulli Yerusaalem boonoshi kiceyemmoyich, keejje qemi daggooch waataani asho koniyoona, ukkireenaꞌonaa showee geeneenaꞌona gettitoommon, bi hajjito bulli kecceyemmonaa kecoochee wottetinaꞌochi ikkittinee daggoochee bi yookkemmonoyich, Yihudee showoo bullinaa Yerusaaleminooch awaajjiyeete.

⁹ Keejje qemi daggooch Yihudee doonjeenaꞌo bullinaa Biiniyaamee doonjeenaꞌo bullina Yerusaalem kiceeheete. Boonoshi kiceeto, yiixiyinnee agenee hiyinnee qemoobane. Asheenaꞌo bulli ebi mooyona, wotta amichi dudoona qeweebee, yaafee kechi addibaabooch koteheete.

¹⁰ Arooba qeeshoo Iziri tiyii neexeechii, “Dallaawe maacheenaꞌon ittoshi shaagona, Yeerich gibeneyaani asho tuneto ittoshine. Ebina Israꞌeeleenaꞌochi xuꞌee toommooch xuꞌoon daakkito ittoshine.

¹¹ Andoo ittoshi qaabbechinaꞌochi Nuggishoo Doono Yeerich aannibote; bi daaggoon ceechibote. Showee toommeexi aageteenaꞌonaa dallaawe maacheenaꞌonoyee baribote” iye.

¹² Ebi kiceeti iiteenaꞌo bulli oogeti qaaroona, “Iberoone; ne gettetoommon tuniyemmo noone.

¹³ Tunebaani asho haddoona woddoone; gooroo amiyo dudiibeeti gooroone. Ebich xalle gaddooch neexoon hakkaachone. Wotta ebi mooyona oogichaꞌa xuꞌoon shuuneto noone; hini mooyo ikke woyee gutte qemona ciyemmo toonoone.

¹⁴ Ebich no ukkireenaꞌo, iiteenaꞌo bullichi qoodooch neexebeete; no katemoo bulliich beeti, dallaawe maacheenaꞌon shaaggitinaꞌo bulli boonoshi katemi katemoo bulliichee taajji taajjee aabooba wobeete; boonoshi katemi katemeexi geeneenaꞌonaa nallechinaꞌona boonoshina tookki wobeete. Ebina no toommooch kinditi, no Nuggishoochi kaaree shiixxoo no waanee wokkemmone” iyeete.

¹⁵ Asaheeli bushoo Yonaataaninaa Tiqiwaahi bushoo Yahizeyina baach ebi mooyon yexxiyeete; Meshulaaminaa Lewee asho Shabetaayinoo boonoshin gaacheheete.

¹⁶ Kecoochee wottetinaꞌo boonoshich getteetoommon tuniiheete; qeeshoo Iziriyoo yari yaree ukkireenaꞌoochee asheenaꞌon kaacciye. Eboshi bulli boonoshi shigi shigoona kooreeheete. Aashirinnee agenee ikkinnee qemooba mooyon hoshee kichoyich koteheete.

¹⁷ Batti batti agenee ikkinnee qemooba dallaawe maacheenaꞌon shaaggiti asheenaꞌo bullin hoshee kichii ciichiyeete.

Dallaawe Maacheenaꞌon Shaaggiti Asheenaꞌo

¹⁸ Qeesheenaꞌo yaroochee dallaawe maacheenaꞌon shaaggitinaꞌo daneheete; eboshiyoo: Yotsedeeqi bushoo Yaasinaa bi maneenaꞌonochi yaroochee: Maseyaahi, Elezeeri, Yariibinaa Gedaliyinane.

¹⁹ Boonoshiyoo boonoshi mecheenaꞌon gawukkoyich wogoon giyiyeete; boonoshi xuꞌoyich deejjeyemmi, ikkikke bagee baaddoon boonoshi gijjoochee deebiyeete.

²⁰ Imeeri yaroochee: Hanaaninaa Zebaadiyinane.

²¹ Hariimi yaroochee: Maseyaahi, Eliyaasi, Shemayaahi, Yehiꞌeelinaa Uziyaahinane.

²² Fashuuri yaroochee: Eliyonayi, Maseyaahi, Ishmaꞌeeli, Netaaneli, Yozabaadinaa Elasaahinane.

²³ Leweenaꞌoochee: Yozabaadi, Shimeꞌi, Qeliixi getteebeeti Qelaayi, Fetahiyi, Yihudinaa Elezeerinane.

²⁴ Shoddechinaꞌoochee: Eliyashibine. Kellechinaꞌoochee: Shaluumi, Xeleeminaa Uriyinane.

²⁵ Eche Israꞌeeleenaꞌoochee: Farooshi yaroochee: Ramiyi, Iziyaahi, Malikiyi, Miyamiini, Elazaari, Malikiyinaa Beenayinane.

²⁶ Elaami yaroochee: Mataniyi, Zakaariyaasi, Yehiꞌeeli, Abidi, Yeremootinaa Eliyaasinane.

²⁷ Zatuuhi yaroochee: Eliyonayi, Eliyashibi, Mataniyi, Yeremooti, Zabaadinaa Azizaahinane.

²⁸ Beebayi yaroochee: Yehohanaani, Hanaaniyi, Zabaayinaa Atilaayinane.

²⁹ Baniyi yaroochee: Meshulaami, Maluuki, Adaayi, Yashuubi, Sheꞌaalinaa Yeremootinane.

³⁰ Fahaat Moꞌabi yaroochee: Adiini, Kelaali, Beenayi, Maseyaahi, Mataniyi, Betsaleeli, Biinuyinaa Minaasinane.

³¹ Hariimi yaroochee: Elezeeri. Ishiyaahi, Malikiyi, Shemayaahi, Simooni,

³² Biiniyaami, Maluukinaa Shemaariyinane.

³³ Hashuumi yaroochee: Matenayi, Matataahi, Zabaadi, Elifeleexi, Yerimaayi, Minaasinaa Shimeꞌinane.

³⁴ Baniyi yaroochee: Madaayi, Amiraami, Yuꞌeeli,

³⁵ Beenayi, Bedeyi, Keluuhi,

³⁶ Wanaayi, Meremooti, Eliyashibi,

³⁷ Mataniyi, Matenayinaa Yaasuyinane.

³⁸ Biinuyi yaroochee: Shimeꞌi,

³⁹ Shelemaayi, Naataani, Adaayi,

⁴⁰ Makinadebayi, Shashayi, Sharayi,

⁴¹ Azareli, Shelemaayi, Shemaariyi,

⁴² Shaluumi, Amariyinaa Yooseefinane.

⁴³ Neebi yaroochee: Yeꞌeeli, Matitiyi, Zabaadi, Zebiini, Yadaayi, Yoꞌeelinaa Beenayinane.

⁴⁴ Eboshi bulli dallaawe maacheenaꞌon shaaggitinaꞌone; ebich ebi maacheenaꞌon boonoshi bushiishoona tookkii daachiiheete.