Iyoobi 26 - Kafa Linguistics Project

¹ Aroochee Iyoobi ishichiye:

² “Hakkoo guuteeton ye gaachetine! Bi mochoo dihitonoo ye wodiitine!

³ Shalligaalli ashoon ye ciiccetine! Meeti mooyon biich ye dojjitine!

⁴ Eechi ne yibbaatemmoyich, neen gaacheto konine? Neen yibbaatiibeeto konichi ayaanoone?” iye.

⁵ “Showee dechiich, dechi aachi daggooch beeti, qititi asheenaꞌochi kasho shatona qewehe.

⁶ Siꞌoolo Yeerich xalla bekkee beetone; aallee xaaꞌoo bi aafoochee qereeto toonoone.

⁷ Yeeri, amaalli xaaꞌooch dambi-waani shimaayoon yaggiye; amaalli hullooch showoon kotiihe;

⁸ qubo amiyon kaafi bi yechemmoyich tuniihe; amiyo quboon keexxii besheyaanoone.

⁹ Magge quboona bi qeenon qeriye; quboon yaggiꞌi bi qeenon manderikkiye.

¹⁰ Bekkoonaa manderoonoyich daaro bi tunemmoyich, aacinaꞌo toommooch gengoommi mooyon kotiihe.

¹¹ Shimaayoon tuuggiibeeti tuugeenaꞌo qeweheete; bi kaaroona keqqiyeete.

¹² Bi giidoona baharo shuuraachemmon tuniihe; bi shalligoonoo Rahaabin aalliihe.

¹³ Yeeri bi kashoon kachiꞌi gumoon xalliihe; qingireebee awureebeeti dingeroon bi kishoona kochiye.

¹⁴ Eboshi bi shuunoochee am bedaani mooyinaꞌo baachiye; bi shuuneechon no waayaabeeto shaashikkoon baachiye; bi giidee gigoon shalligoon hakkemmo konine?” iye.