Iyoobi 17 - Kafa Linguistics Project

¹ “Ta kasho guutitone; qitiya beddeto taane; oppo taach qannitone.

² Taan coonechinaꞌo meettitinaꞌone; boonoshi maacee manjoon beeggaabeeto taane.

³ “Yeero, ne taan buushaarebe; neyee damba taach neexemmo aalloone.

⁴ Boonoshi shalligaachemmoyich, boonoshi mulloon muumiito neene; illa and ta toommooch boonoshi giidemmoyich tuniyaahine.

⁵ Gijjoocha iꞌi bi nuuchoon beshii immiibeeti asho, bi bushiishoo aafo daayemmone.

⁶ “Asheenaꞌo coone kaachemmi ashoon, taan tuniihe; asheenaꞌo bi toommooch cuddiibeeti ashoon tunehoye.

⁷ Ayinoochee tiyitona ta aafo yaamehe; ta ashittino shuuꞌaa yiirittoon shaahito taane.

⁸ Kaame asheenaꞌo ebin beeggiꞌi worganeheete; xalle asheenaꞌo Yeerich qeyaaneenaꞌon kaareheete.

⁹ Tunebaani cadiqe asho murici dihaachemmone; bi kishoo xalloo tuneti asho kupphe kupphe hammemmone.

¹⁰ “Ittoshi bulli wottee waaꞌi ittoshi gajjiteemmo gaatoona, ittoshi daggoochee ikke shalligechonolla daneyaache.

¹¹ Ta yemeeno ciiretone; ta gaboonaa ta mullee qaatoona duubee echetone.

¹² Ta nuucheenaꞌo, xumoon ‘Areddee aaboone’ iyeete; mandereton beeggiibee, ‘Showoo bekkee beetone’ iyeete.

¹³ Illa and ta quyaabeeto maash hamoniye; aroochaa manderoona ta beeroon heccemmo taane.

¹⁴ Maashee oppoon, ‘Ta nihoocho’ ta meenon maayemmi hipperoonoo, ‘Ta indeene; ta maneene’ geti ceeggemmo taane.

¹⁵ Illa ta gibenemmi mooyo aaye? Ta gibenoonochi koni ciinnehe?

¹⁶ Gibeno taanna tookki maash hammehe? Taanna tookki showee buttooch giyehe?” iye.