Isiyaasi 17 - Kafa Linguistics Project

Damaasiqinaa Israꞌeelinon Doono Yeeri Naxemmo Tuno

¹ Damaasiqichon Doono Yeer waanee getteeti wocho ebine: “Ebiyoche, Damaasiqi ebiyee bekk katemoo bi tuno echemmone; happeeree xaqqee gutoon tunemmone.

² Aroꞌeeri katemeenaꞌo bulli yemeenooch shokko echemminaꞌone; bago quyeebeeti gaddoon tunemminaꞌone; bago, koniyoona biin keqqichaanoon arooch miqqe kashemmone.

³ Mishigeenaꞌo Efreem waanee, taatittino Damaasiq waanee wokkemmone; Sooriyee cureenaꞌo Israꞌeeleenaꞌochoommon cooneetinaꞌon tunemminaꞌone” iye Beshe Mawe Doono Yeeri.

⁴ “Arooba Yaaqobichi oogo giishemmone; bi aangoo muujjemmone;

⁵ Israꞌeeli maayi qeccecho neexeexi maayoon bi kishoona qecciꞌi yuulloon bi maciichaa echeti goyoommon, maayo butteechaa shokko echeti Refayee bamboommon tunemmone.

⁶ Tunetaa zayitee michi aafo maceechaa, ikke woyee gutte aafoo tookki bi cillooch echoommon woyee awudde woyee uuche aafoo deshi bi cillooch echoommon, giisheche asho baach echemmone” iye Israꞌeelee Nuggishoo Doono Yeeri.

⁷ Ebi arooba asheenaꞌo boonoshin Hallito waan ciinnemminaꞌone; boonoshi aafoonoo Israꞌeelee Yaafoo tuneti Doono Yeer waan wochemminaꞌone.

⁸ Boonoshi kishee shuunoo tuneti deejjee gudeenaꞌon gibeneyaachemminaꞌone; boonoshi yaphereenaꞌo shuuneton, Asheeri misiloon woyee ixaanee deejjee gudoon gibeneyaachemminaꞌone.

⁹ Arooba, Israꞌeeleenaꞌochi naboona shokko echeti Hiweenaꞌonaa Amooreenaꞌonochi katemeenaꞌo shokkoon echoommon, manje boonoshi katemeenaꞌo shokkoon echemminaꞌone.

¹⁰ Ebiyoo ittoshin Wodiyechi Yeerin ittoshi battetoyich, ittoshi Xaqqee Inderoon gaboo ittoshi qajjitoyichiye; ebina gaawe bechoon ittoshi bechitaa, dallaawe yaroon ittoshi shookkitaa,

¹¹ ittoshi bechiti aabooba diciree bi dechara bi bungemmoyich ittoshi tuniitaanona, ayinee aabooba, tuummi aabooboo tiyi aallemmone.

¹² Baharee aachi buugoommon buugiibeeti meeti asheenaꞌoyich, giidechi aacinaꞌo goohoommon goohiibeeti aageteenaꞌoyich woowo!

¹³ Aageteenaꞌo meeti aacochoommon goohiyeete; tunebaani Yeeri boonoshin kaaretaa, guudi toommoochaa yongo shacciibeeti maaxxoochoommon, yubee yongo tiijjiibeeti quttoochoommon tiyi aallemminaꞌone.

¹⁴ Xum ebiyoche keqqoo tunehe; tunebaani showoo haroyee shiichiree aallemminaꞌone; noon kochii, boggii beetinaꞌo toommooch tunemmi mooyo ebine.