Hiziqeeli 15 - Kafa Linguistics Project

Yerusaalemi Gaacaalli Woyinee Qomboona Shaaheyoo

¹ Doono Yeeri taach ishichiye:

² “Ashi bushoocho, woyinee qomboo kubbooch beeti mixo bullichi atoyee bi beshemmo amoonane?

³ Ikke mooyon shuunoyich mixo aroochee danehe? Qiico kaqqeyemmi kaꞌolla aroochee daneyaache.

⁴ Qaaqqoo aaxxiyoyich baachiye bi gaaccemmo; qaaqqoo gutte bi caappoon maachaa, bi duboonoo ciiciichaa iberoochaa amoyichona gaaccehe?

⁵ Bi micoyee aaf shuunoyich gaacaano bi tunegaata, qaaqqoo biin maachaa amee gaaco aroochee danehe?” iye.

⁶ Ebich Nuggishoo Doono Yeeri ishichiye: “Kubbeexi michi daggooch beeti woyino qaaqqooch bi shookkeyemmoyich ta tuniyoommon, Yerusaalem beetinaꞌon ebiyoommon beshiiree immemmo taane.

⁷ Ta aafoon boonoshi toommooch maggiyemmo taane; qaaqqoochee boonoshi muriccitaa, qaaqqoo boonoshin maayemmone. Ta aafoon boonoshi toommooch ta maggiihooba, Doono Yeeri ta tunoon ariyemmo ittoshine.

⁸ Gibeneyaaneenaꞌo boonoshi tunetoyich, showoon shokko echiyemmo taane” iye Nuggishoo Doono Yeeri.