Halloo 36 - Kafa Linguistics Project

Esayichi Shiijjereenaꞌo

¹ Edoomi getteeti Esayichi shiijjereenaꞌo eboshine:

² Esayi Kanaaneenaꞌo daggoochee mecheenaꞌon shaaggiye. Boonoshiyoo Hitee asho Eloonichi bushee Aadi, Hiwee asho Tsibeꞌonichi bushoo Aanni shiyiti Oholibaminaa

³ Ishmaꞌeeli bushee, Nebayootichi manee, Basematinane.

⁴ Aadi Esayich Elifaazin shiyahan. Basemati wotta Reweelin shiyahan.

⁵ Ebiyoommon wotta Oholibami Yehuushin, Yalaaminaa Qoraahinon shiyahan. Eboshi Esayi Kanaanee showooch beechii, bi shiyitinaꞌone.

⁶ Esayiyoo bi mecheenaꞌon, bi anaami bushiishoonaa bi maache bushiishoonon, bi kechi asheenaꞌo bullinoo, ebiyoommon bi miiminaꞌonaa bare bi gijjoo bullinon, Kanaanee showoochee bi daneti mooyo bullinoo yechiꞌi, bi manoo Yaaqobiyee wokkiꞌi beeti showooch goojjiye.

⁷ Meeti gijjoon boonoshi hajjitoyich, tookkii ikkooch beemon hakkaaneenaꞌone. Boonoshich beeti gijjee meetoochee tiyitona, boonoshi beeti xaaꞌoo boonoshich bedon hakkaanoone.

⁸ Ebich Edoomi getteeti Esayi bi beemi xaaꞌoon Seyiree geppe showooch tuniihe.

⁹ Seyiree showooch beeti, Edoomee asheenaꞌochi nihoo Esayichi shiijjereenaꞌo eboshine:

^10-12 Esayichi anaami bushiishoo: Esayi mechee Aadichi bushoo Elifaazine. Elifaazichi anaami bushiishoo: Temaani, Omaari, Tseefi, Gataaminaa Qenaazinane. Esayi bushoo Elifaazich Timini getteebeeti naamache beetine; areyoo biich Amaleeqin shiyahan. Esayi mechee Aadi bushiishoochi anaami bushiisheenaꞌo eboshine. Esayi mechee Basematichi bushoo Reweeline.

¹³ Reweelichi anaami bushiishoo: Nahaati, Zaari, Shaaminaa Mizaahinane. Eboshi Esayi mechee Basemati bushiishoochi anaami bushiishoone.

¹⁴ Tsibeꞌonichi bushoo Aanni shiyiti bushee, Esayi mechee Oholibami Esayich shiyeti bushiishoo: Yehuushi, Yalaaminaa Qoraahinane.

¹⁵ Esayichi shiijjereenaꞌo daggoochee yoodi yoodee iraasheenaꞌo: Esayichi gutenee bushoo Elifaazichi anaami bushiishoo: Iraashoo Temaani, iraashoo Omaari, iraashoo Tseefi, iraashoo Qenaazi,

¹⁶ iraashoo Qoraahi, iraashoo Gataaminaa iraashoo Amaleeqinane. Eboshi Edoomee showooch beeti Elifaazichi yoodee iraasheenaꞌone. Boonoshiyoo Esayi mechee Aadi bushiishoochi anaami bushiishoone.

¹⁷ Esayichi bushoo Reweelichi anaami bushiisheenaꞌo: Iraashoo Nahaati, iraashoo Zaari, iraashoo Shaaminaa iraashoo Mizaahinane. Eboshi Edoomee showooch beeti Reweelichi yoodee iraasheenaꞌone. Boonoshiyoo Esayi mechee Basemati bushiishoochi anaami bushiisheenaꞌone.

¹⁸ Esayi mechee Oholibamichi anaami bushiishoo: Iraashoo Yehuushi, iraashoo Yalaaminaa iraashoo Qoraahinane. Ebi iraasheenaꞌo Aannichi bushee, Esayi mechee Oholibamichi bushiisheenaꞌone.

¹⁹ Eboshi bulliyoo Edoomi getteeti Esayichi bushiisheenaꞌonaa boonoshi yoodee iraasheenaꞌonane.

Seyirichi Shiijjereenaꞌo

²⁰ Are showooch shiichiꞌi beeti Hooree asho, Seyirichi anaami bushiishoo: Loxaani, Shobaali, Tsibeꞌoni, Aanni,

²¹ Dishooni, Etserinaa Dishaaninane. Eboshi Edoomee showooch beeti Seyirichi anaami bushiisheenaꞌo, Hooreenaꞌochi yoodee iraasheenaꞌone.

²² Loxaanichi anaami bushiishoo: Hooriyinaa Hemaaninane. Loxaanichi manee Timinine.

²³ Shobaalichi anaami bushiishoo: Alwaani, Manahaati, Ebaali, Sheefinaa Onaaminane.

²⁴ Tsibeꞌonichi anaami bushiishoo: Ayaahinaa Aanninane. Ebi Aanni bi nihoo Tsibeꞌonichi kureenaꞌon quyeebee, barahoochee gufe iineenaꞌon daneti uroone.

²⁵ Aanni bushiishoo: Bi bushoo Dishooninaa bi bushee Oholibaminane.

²⁶ Dishoonichi anaami bushiishoo: Hemidaani, Eshibaani, Yitiraaninaa Keraaninane.

²⁷ Etserichi anaami bushiishoo: Bilihaani, Zawaaninaa Aqaaninane.

²⁸ Dishaanichi anaami bushiishoo: Uutsinaa Araaninane.

²⁹ Hooreenaꞌochi iraasheenaꞌo: Iraashoo Loxaani, iraashoo Shobaali, iraashoo Tsibeꞌoni, iraashoo Aanni,

³⁰ iraashoo Dishooni, iraashoo Etserinaa iraashoo Dishaaninane. Eboshi Seyiree showooch beeti Hooree gumbeenaꞌochi iraasheenaꞌone.

Edoomee Showee Taateenaꞌo

³¹ Israꞌeelee showooch taatoo taatoyee shiichii, Edoomee showooch taateti taateenaꞌo eboshine:

³² Beꞌoori bushoo Belaahi Edoomee showooch taatee beehe. Bi taateti katemoo, Dinihaabi getteehe.

³³ Belaahi qititoyee gubb, Botsiree asho Zaarichi bushoo Yobaabi bi xaaꞌooch kereeꞌi taatehe.

³⁴ Yobaabi qititoyee gubb, Temaanee asho Hushaami bi xaaꞌooch kereeꞌi taatehe.

³⁵ Hushaami qititoyee gubb, Miidiyamee asheenaꞌon Moꞌabee showoochaa kochii wochiti, Bedaadi bushoo Hadaadi bi xaaꞌooch kereeꞌi taatehe. Bi taateti katemoo, Awiti getteehe.

³⁶ Hadaadi qititoyee gubb, Masireqee asho Samili bi xaaꞌooch kereeꞌi taatehe.

³⁷ Samili qititoyee gubb, Efiraaxisi aachi gaꞌooch beeti Rehobootee asho Shaawulli bi xaaꞌooch kereeꞌi taatehe.

³⁸ Shaawulli qititoyee gubb, Akiboori bushoo Baꞌaal Hanaani bi xaaꞌooch kereeꞌi taatehe.

³⁹ Akiboori bushoo Baꞌaal Hanaani qititoyee gubb, Hadaari bi xaaꞌooch kereeꞌi taatehe. Bi taateti katemoo, Faꞌi getteehe. Bi mecheyoo Mezahaabichi bushee bushee, Maxireedichi bushee Mehixabeeli getteehan.

⁴⁰ Esay waanee daneti, boonoshi koteti showi showoona ceekketi yoodee iraasheenaꞌo: Iraashoo Timini, iraashoo Alwaahi, iraashoo Yeteeti,

⁴¹ iraashoo Oholibami, iraashoo Elaahi, iraashoo Finooni,

⁴² iraashoo Qenaazi, iraashoo Temaani, iraashoo Mibizaari,

⁴³ iraashoo Magidelinaa iraashoo Iraaminane. Eboshiyoo boonoshi koteti showi showooch beeti, Edoomee iraasheenaꞌone. Ebi Esayi Edoomee asheenaꞌochi qaabbechi nihoone.