Halloo 10 - Kafa Linguistics Project

Noohi Bushiishoochi Shiijjereenaꞌo

¹ Noohi bushiishoo Sheemi, Kaaminaa Yafeetinochi shiijjereenaꞌo eboshine; boonoshiyoo aalliyee aacoyee gubb anaami bushiishoon shiyiheete.

² Yafeeti bushiishoo: Gomeeri, Magoogi, Madaayi, Yawaani, Tubaali, Mesheekinaa Tiraasinane.

³ Gomeeri bushiishoo: Ashikenaazi, Rifaatinaa Togariminane.

⁴ Yawaani bushiishoo: Elishi, Tarisheshi, Kitiiminaa Rodaniiminane.

⁵ Baharee gashoonaa buure showoonooch beeti asheenaꞌo ebi Yawaani bushiisheenaꞌochi shiijjereenaꞌone. Ebi Yafeetichi shiijjereenaꞌo boonoshi yari yaroona qoodeeꞌi, boonoshi showi showooch beeheete; boonoshi yoodi yoodoona boonoshi hajjee noonoon yibbaatee beeheete.

⁶ Kaami bushiishoo: Kushi, Mitsirayimi, Fuuxinaa Kanaaninane.

⁷ Kushi bushiishoo: Seebi, Hawili, Sabiti, Raꞌiiminaa Sabitekinane. Raꞌiimi bushiishoo: Sheebinaa Dedaaninane.

⁸ Kushiyoo Namiroodin shiyihe. Namiroodi showee toommooch batti batti ginee anaamone.

⁹ Namiroodi Doono Yeeri aafooch kupphe aaddoo tunehe. Ebich asheenaꞌo “Doono Yeeri Namiroodiyoommi, giidechi aaddoon neen tuniibe” iyeete.

¹⁰ Shiichiꞌi bi taateti katemeenaꞌo Shinaaree showooch beeti Baablooni, Ereekinaa Akkaadinane.

¹¹ Aroochee tiyii Asooree showooch hammiꞌi, Nanawin, Rehoboot Iirinaa Kalaahinon,

¹² ebiyoommon wotta Nanawinaa aricheti ooge katemoo tuneti Kalaahinochi gutte daggooch beeti Reseeni katemoon shuuniihe.

¹³ Mitsirayimichi shiijjereenaꞌo: Luudeenaꞌo, Anaameenaꞌo, Lehabeenaꞌo, Nafituheenaꞌo,

¹⁴ Fatiruseenaꞌo, Filsixeemeenaꞌo boonoshi yaroochee tuneti Kasiluheenaꞌonaa Kafitooreenaꞌonane.

¹⁵ Kanaani bushiishoo: Bi gutenee bushoo Sidooninaa Hitinane.

¹⁶ Wotta Kanaanichi bare shiijjereenaꞌo Yebuseenaꞌo, Amooreenaꞌo, Girigaasheenaꞌo,

¹⁷ Hiweenaꞌo, Ariqeenaꞌo, Sineenaꞌo,

¹⁸ Arwaadeenaꞌo, Tsemaareenaꞌonaa Hamaateenaꞌonane. Aroyee gubb Kanaanichi yareenaꞌo baribare xaaꞌooch shaceheete.

¹⁹ Boonoshi shaceto, Kanaanichi daaro Sidoonee tiijjiꞌi, Geraaree showoo waan Gaaza beddaahaane; aroocheenoo Sodoomi, Gomoori, Adiiminaa Tseboyimina waan, Laash beddaahaane.

²⁰ Eboshi Kaamichi shiijjereenaꞌone; boonoshi yari yaroona qoodeeꞌi, boonoshi showi showooch beeheete; boonoshi yoodi yoodoona boonoshi hajjee noonoon yibbaatee beeheete.

²¹ Sheemiyoo wotta bushiishoon shiyihe; biyoo Yafeetichi qaabbe manoonaa Ebeerichi shiijjereenaꞌo bullichi qaabbechi nihoonane.

²² Sheemi bushiishoo: Elaami, Ashuuri, Arifakisaadi, Luudinaa Araaminane.

²³ Araami bushiishoo: Uutsi, Huuli, Geteerinaa Mesheekinane.

²⁴ Arifakisaadi Seelin shiyihe; Seeliyoo Ebeerin shiyihe.

²⁵ Ebeerich gutte anaami bushiisheenaꞌo shiijjeheete. Ikkoochi shigo, Feleegi getteehe. Ebiyoo bi yemeenooba showee toommooch beeti asheenaꞌo shacetoyichiye. Bi manoo shigoo, Yoqixaani getteehe.

²⁶ Yoqixaani bushiishoo: Almodaadi, Sheleefi, Hatsarimaweti, Yerahi,

²⁷ Hadoraami, Uzaali, Diqili,

²⁸ Obaali, Abimayeli, Sheebi,

²⁹ Ofiiri, Hawilinaa Yobaabinane. Eboshi bulli Yoqixaanichi anaami bushiisheenaꞌone.

³⁰ Boonoshi yechiti xaaꞌoo Meeshee tiijjiꞌi, Sefaara daammiibeeti, aabi-keyo waan beeti geppe showooch beddaahaane.

³¹ Eboshi Sheemichi shiijjereenaꞌone; boonoshi yari yaroona qoodeeꞌi boonoshi showi showooch beeheete; boonoshi yoodi yoodoona boonoshi hajjee noonoon yibbaatee beeheete.

³² Noohi bushiisheenaꞌochi shiijjereenaꞌo boonoshi yoodi yoodoona eboshine. Aalliyee aacoyee gubb, aagetoo bulliich shaceti asheenaꞌo eboshine.